Qofte Ikea përgatitur në shtëpi

Ikea ka shpërndarë recetën sekrete për të përgatitur qoftet e saj në shtëpi. Prezantimi i recetës është bërë i ngjashëm me fletëpalosjen e montimin e mobilieve. Ne sapo i provuam dhe janë shumë të shijshme.

Qofte Ikea

Prep Time20 minutes
Cook Time40 minutes
Resting2 hours
Total Time3 hours
Course: Main Course
Cuisine: Mediterranean
Keyword: mish
Sasia: 6 persona
Kalori: 340kcal

Përbërësit

Për qoftet

  • 500 gr mish viçi
  • 250 mish derri i grirë
  • 1 kokërr qepë
  • 1 thelpi hudhër
  • 100 gr galettë bukë e thatë e grirë
  • 1 kokërr vezë
  • 5 lugë gjellë qumësht
  • kripë
  • piper

Për salcën

  • 40 gr gjalpë
  • 40 gr miell
  • 150 ml lëng perimesh
  • 150 ml lëng mishi
  • 150 ml pana double cream
  • 2 lugë të vogla salcë soje
  • 1 lugë të vogla mustardë
  • vaj për skuqje

Përgatitja

Qofte Ikea

  • Për të përgatitur qoftet Ikea, përziejmë mishin e grirë të viçit më atë të derrit. Shtojmë qepën dhe hudhrën e grirë hollë. Më pas shtojmë dhe galetë, vezën dhe i përziejmë. Shtojmë 5 lugë qumësht dhe rregullojmë kripën dhe piper.
  • Pasi të kemi përgatitur masën për qofte, formojmë toptha të vegjël. I vendosim në një pjatë dhe pasi ti kemi përfunduar të gjitha, i vendosim në frigorifer për të paktën 2 orë.
  • Në një tigan, hedhim vaj dhe e vendosim në zjarre të ulët. Shtojmë qoftet dhe i skuqim paksa në të gjitha anët.
  • I transferojmë pastaj në një tavë të cilën e vendosim në furrë në 180°C dhe i pjekim për 30 minuta të tjera.

Përgatitja e salcës

  • Në një enë shkrijmë gjalpin dhe pastaj shtojmë miellin. I përziejmë bashkë për të paktën 2 minuta dhe me pas shtojmë lëngun e perimeve dhe lëngun e mishit. Përgatitjen e lëngut të mishit e gjeni në faqen tonë.
  • Shtojmë më pas panën dhe salcat e tjera e i trazojmë mirë. I lëmë në zjarre derisa masa të trashet.
  • Pasi qoftet të jenë gati, hedhim salcën e përgatitur sipër. Qoftet Ikea i shoqërojmë më pure patate ose patate në furrë.

Receta për qofte me patate, pasha qofte ose gjellë me qofte.

Ju bëftë mirë!

1 Shares
1 comment
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Pjatancë me mish në zgarë e sallatë rukola

Kjo është një pjatë shumë e thjeshtë, ku përbërësi kryesor është mishi i viçit. Duhet të jetë mish i zgjedhur, një filetë me trashësi 4-5 cm dhe duhet ta pjekim në zgarë jo më shumë se 5-6 minuta për anë. I vënë mbi një shtresë sallate rukola, dhe sipër pak parmixhan, është me të vërtetë një pjatë që shijohet në cdo stinë.

Mish viçi me kos

Si te gatuajmë mish viçi me kos në mënyrën më të thjeshtë. Kosi përveçse i jep butësi mishit i kalon edhe një shije të veçantë dhe karakteristike. Edhe pse mund të ngjasoje me tave kosi, kjo pjatë është me të vërtet shume e shijshme dhe për tu provuar.