Gjellë me qofte

Nerti
  • 27/01/2020
Qoftet janë shumë të përdorura në kuzhinën shqiptare. Një version ndryshe nga recetat klasike është receta gjellë me qofte. Një pjatë e dytë shumë e shijshme dhe e thjeshtë për tu përgatitur.

Gjellë me qofte

Prep Time20 minutes
Cook Time39 minutes
Total Time59 minutes
Course: Main Course
Cuisine: Albanian
Keyword: gjelle
Sasia: 4 persona
Kalori: 240kcal

Përbërësit

  • 200 gr mish i grirë
  • 2 thelpinj hudhër
  • 1 lugë gjelle miell
  • 2 kokrra qepë
  • 2 karota
  • 1 spec
  • 1 kokërr domate e pjekur mirë
  • 1 lugë spec i kuq
  • vaj ulliri
  • piper
  • kripë

Përgatitja

  • Zgjedhja e mishit për qoftet është shumë e rëndësishme. Nëse dëshirojmë mund ta grijmë vet mishin duke përzier mish viçi dhe derri se bashku. Në këtë mënyrë qoftet do të jene akoma më të shijshme.
  • Për të përgatitur qoftet, në fillim në një enë hedhim mishin e grirë, hudhrën e shtypur imët, pak piper, kripë, pak miell dhe i trazojmë mirë. Marrim nga masa, sa një kokërr arrë i japim formë të rrumbullakët dhe i vendosim në një pjatë me miell. Vazhdojmë kështu për të gjitha qoftet. Më pas i vendosim për pak kohë në frigorifer.
  • Ndërkohë grijmë qepët hollë dhe i kaurdisim në një tenxhere me vaj ulliri. Sa të ulen pak qepët hedhim specin dhe karotat e prera. Më pas hedhim domaten e grirë në rende dhe një lugë spec. I lemë të kaurdisen pak dhe hedhim 500 ml ujë. I hedhim kripën, e mbulojmë me kapak dhe e lemë të ziejë në zjarr të ngadalshëm.
  • Pas disa minutash është koha të shtojmë qoftet e përgatitura. I vendosim me kujdes në tenxhere dhe e lëmë në zjarr për gati 20 minuta të tjera. Zjarri duhet të jetë i ngadalshëm. Gjellë me qofte është gati. Në pjatën e servirjes i hedhim erëza të freskëta nëse dëshirojmë.

Receta për gjelle me bamje

Ju bëftë mirë!

In this article:
,,,,
0 Shares
WhatsApp 0
Facebook 0
Facebook Messenger 0
X (Twitter) 0
Pinterest 0
Mail 0
Post written by:
E pasionuar pas kuzhines shqiptare dhe asaj te huaj, sjell për ju përmbledhje me receta gatimi.
Follow
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Super Qofte e mbushur

Kjo është një pjatë për gjithë familjen. E kush nuk i pëlqen qoftet!Në këtë recetë ne japim një mënyrë të veçantë për ti përgatitur ato: një qofte rolè e mbushur brenda me djathë e proshutë. Një recetë e shpejtë dhe sidomos e shijshme.
0 Shares
0
0
0

Mish me surprizë

Kjo pjatë është një pjatë e dytë, por fare mirë mund të përgatitet dhe për një aperitiv. Ju ka qëlluar ndonjëherë që të keni gatuar shumë dhe ditën tjetër nuk dini se ç'të bëni me gjithë ushqimin e mbetur? Kjo është një nga ato receta që riciklon atë që na ka mbetur në frigorifer. Ne në këtë recetë kemi përdorur rolenë e pulës, por ju fare mirë mund të vini cdo lloj mishi që keni për momentin, mund të vini në vend të proshutës sallame të ndryshëm. është një recetë e shpejtë dhe e shijshme.
0 Shares
0
0
0

Brinjë derri në furrë me patate

Brinjë derri në furrë me patate është një nga ato pjata që duhen provuar patjetër. Përveçse e shijshme është dhe e shpejtë në përgatitje. Mjafton ti fusësh në tavë gjithë përbërësit dhe rezultati është mëse i kënaqshëm. Zakonisht unë këtë pjatë e përgatis në ditët e ftohta, të shoqëruar me një gotë vere të kuqe të mirë, por gjithsecili është i lirë ta përgatisë kur të dojë.
0 Shares
0
0
0

Gjelle me presh dhe mish

Le të shfrytëzojmë deri ne fund atë qe na jep toka me recetën e radhës, gjelle me presh dhe sigurisht ndonjë copë mishi. Recetë shumë e thjeshtë për tu ndjekur dhe për të mos humbur traditën e "gjellëtoreve"!
1 Shares
0
0
1