Mish derri me mollë

124 Shares
124
0
0
Mishi i derrit i gatuar me mollë është një pjatë e veçantë. Pureja e mollëve i jep mishit një shije më të mirë. Me pak përbërës do të arrijmë të kemi një pjatë speciale që do të lërë të kënaqur të ftuarit.

Mish derri me mollë

Përbërësit

  • 1 kg mish derri
  • 1 qepë e vogël
  • 4 kokrra mollë
  • 1 degë rozmarine
  • pak piper
  • pak kripë
  • 5 lugë gjelle vaj ulliri
  • 100 ml verë e bardhë

Përgatitja

  • Marrim mishin e derrit (duhet të jetë një copë e tuli e plotë), dhe e vendosim në një tenxhere presioni ku kemi hedhur vaj ulliri. E skuqim mirë nga të dyja anët. Më pas shtojmë dhe qepën e grirë hollë. E kavërdisim pak dhe pastaj e shuajmë me verë. E lemë me zjarr të fortë derisa të avullojë alkooli. Më pas shtojmë mollët e prera në copa të vogla.
  • Hedhim kripë, piper dhe rozmarinën e grirë hollë.
  • I trazojmë mirë e më pas shtojmë rreth 300 ml ujë ose brodo. Mbyllim tenxheren e presionit me kapak dhe e lemë të ziejë me zjarr të ngadaltë. Pas 30 minutash heqim tenxheren nga zjarri, ( nëse nuk keni tenxhere presioni, mund ta gatuani edhe në tenxhere normale, por duhet të keni parasysh se koha e pjekjes së mishit do të jetë rreth 1 orë).
  • E lemë të ftohet pak, pastaj nxjerrim mishin dhe e presim në fileta. Mollët që janë në tenxhere i shtypim me lugë ose i grijmë me grirësin elektrik.
  • Vendosim mishin në pjatë dhe sipër i hedhim purenë e mollës. Servirim pjatën e ngrohtë.

Notes

Përgatitja

Ju bëftë mirë!

receta-gatimi-mish-derri-molle-gatuaj-shqip-kuzhina-a

124 Shares
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Role viçi e mbushur

Mishi i viçit i bërë role dhe i mbushur me feta proshute, djathë e salçiçe është pa dyshim një pjatë e pasur dhe e shijshme. është ideale për një darkë me miqtë të cilët padyshim do të ngelen të kënaqur nga shija e këtij gatimi.

Brioche të thjeshtë me Nutella

Mëngjesi është shumë i rëndësishëm për të përballuar ditën. E ku ka më mirë se sa një brioche i ngrohtë i sapodalë nga furra. Kjo recetë është shumë e thjeshtë, mjafton një petë sfoliat (edhe nga ato të gatshmet), dhe pak çokokrem dhe brioche është gati

Filetë me kërpudha dhe pana

Fileto e mishit të viçit e gatuar me kërpudha e pana është një pjatë e shijshme. është e thjeshtë në gatim e që të keni një rezultat fantastik duhet të keni parasysh të zgjidhni mishin me cilësi të lartë.

Tavë me mish të grirë

Kjo tavë është një pjatë e dytë e shijshme dhe e veçantë. është me përbërje mishi të ndryshëm dhe mund ta shoqërojmë me sallatra të ndryshme ose patate në furrë.