Gjellë me bamje në tavë

132 Shares
132
0
0
Fillojmë më një recetë për gjellë me bamje në tavë, duke parë se koha është freskuar. Kjo recetë gatimi është ideale edhe për vegjetarianë, pasi përmban totalisht perime dhe shumë vlera ushqimore.

Gjellë me bamje në tavë

Prep Time15 mins
Cook Time35 mins
Total Time50 mins
Course: Main Course
Cuisine: Albanian
Keyword: kuzhina shqiptare
Sasia: 4 persona
Kalori: 120kcal

Përbërësit

  • 400 gr bamje
  • 200 gr patëllxhan
  • 1 spec i kuq
  • 1 spec jeshil
  • 2 kokrra qepë
  • 5 kokrra domate
  • 40 ml uthull molle
  • majdanoz
  • piper i zi
  • spec djegës
  • vaj ulliri
  • kripë

Përgatitja

  • Për të përgatitur gjellë me bamje, sigurohemi që këto perime të jenë të freskëta dhe jo shumë të mëdha, pasi lëkura behët e fortë.
  • Lajmë në ujë të rrjedhshëm të gjitha perimet. Patëllxhanët i pastrojmë nga bishtat dhe i presim në formë rrethore.
  • Bishtat e bamjeve i presim në formë konike. Patëllxhanët dhe bamjet e pastruara i vendosim në një enë ku kemi hedhur një lugë gjellë kripë, uthullën, ujë sa të mbulohen perimet dhe i lemë për 20 minuta. Kjo gjë bëhet që patëllxhanëve tu iki hidhërimi nqse kanë dhe bamjeve u ikën pushi.
  • Pasi kemi përgatitur perimet, qepën e presim hollë dhe e kaurdisim në një tigan me vaj ulliri. Sa të zverdhet pak qepa shtojmë domatet, të cilat i kemi pastruar nga cipa dhe i kemi grirë në rende. Pasi pureja e domates ka marrë ngjyrën e salcës, shtojmë 300 ml ujë. Masës i shtojmë kripën, spec djegës nëse dëshirojmë dhe e lemë në zjarr 2-3 minuta sa të marri valë.
  • Kullojmë bamjet, patëllxhanët, i shpëlajmë pak me ujë dhe i radhitim në tavë duke shtuar edhe specat e prerë në formë rrethore. Sipër perimeve hedhim salcën e përgatitur dhe majdanoz të prerë hollë. Tavën e futim në furrë të nxehur për gati 30 minuta. Gjellë me bamje është gati, shërbehet e ngrohtë dhe mund të shoqërohet me bukë të thekur.

Lexoni recetën për gjellë me qofte, gjellë me presh dhe mish ose gjellë me mish.

Ju bëftë mirë nga artigatimit.com

132 Shares
Lini një Përgjigje

Adresa juaj email s’do të bëhet publike.

Recipe Rating




You May Also Like

Mish me surprizë

Kjo pjatë është një pjatë e dytë, por fare mirë mund të përgatitet dhe për një aperitiv. Ju ka qëlluar ndonjëherë që të keni gatuar shumë dhe ditën tjetër nuk dini se ç'të bëni me gjithë ushqimin e mbetur? Kjo është një nga ato receta që riciklon atë që na ka mbetur në frigorifer. Ne në këtë recetë kemi përdorur rolenë e pulës, por ju fare mirë mund të vini cdo lloj mishi që keni për momentin, mund të vini në vend të proshutës sallame të ndryshëm. është një recetë e shpejtë dhe e shijshme.

Petulla të shpejta

Petullat janë vërtet të shijshme kur i shijon të sapo gatuara me mjaltë sipër e kanellë. Janë të shumta recetat e petullave, por ne sot po ju sugjerojmë një recetë shumë të shpejtë e të thjeshtë. Mund ta gatuani në mëngjes apo pasdite për familjen tuaj.

Angjinare në tigan

Angjinarja e stufuar në tigan është një pjatë shumë e shijshme dhe shumë e thjeshtë në përgatitje. Kjo pjatë mund të jetë një garniturë e mirë për pjata me mish ose peshk. Por mund të jetë edhe një pjatë e dytë për vegjetarianët sepse angjinarja ka shumë veti ushqimore.