Këto krepa me perime janë vërtet te veçante, si nga mënyra e përgatitjes por edhe nga përbërësit. Ideal për të provuar diçka ndryshe, gjithashtu ne faqen tonë mund të gjeni recetën për krepa baze apo krepa me nutella.
Krepa me perime
Sasia: 4 persona
Kalori: 230kcal
Përbërësit
- 500 gram bizele të njoma
- 100 gram miell
- 1 spec djegës
- pak xhinxher
- vaj ulliri
- majdanoz
- kripë
Përgatitja
- Në fillim i ziejmë bizelet jo më shumë se pesë minuta. Bizelet pasi ti kemi kulluar i hedhim ne një mikser kuzhine. Shtojmë specin dhe xhinxherin. Nëse dëshirojmë specin djegës mund ta zëvendësojmë me një jeshil. I grijmë se bashku sa të bëhen pure.
- Më pas i hedhim në një enë tjetër duke i përzier me majdanozin e grirë hollë, miellin, kripë dhe vajin e ullirit. Në qoftë se masa del e trashë i hedhim pak nga lëngu që ziem bizelet dhe e trazojmë.
- Tiganin për krepa e vendosim në zjarr dhe me anë të një luge të madhe hedhim një shtresë të hollë nga masa.
- E kthejmë me kujdes nga të dyja anët. Kështu vazhdojmë sa të mbarojë e gjithë masa. Krepa me perime janë gati, mund ti shoqërojmë me produkte djathi të staxhionuar.
Ju bëftë mirë nga Arti Gatimit!
