Pastiço me perime

Kjo recetë e thjeshtë mund të gatuhet me perimet që keni në shtëpi. Këtë pastiço e kam gatuar një ditë kur më ngelën  shumë perime të ziera e nuk dija ç’të bëja me to. Është një pjatë e thjeshtë, por e shijshme.

Pastiço me perime

Prep Time15 mins
Cook Time30 mins
Total Time45 mins
Course: First plate
Cuisine: Albanian
Keyword: gjelle
Sasia: 4 persona
Kalori: 200kcal

Përbërësit

  • 2 karrota
  • 2 kokrra patate
  • 5-6 kokrra lakër brukseli
  • 1 kungull
  • 1 kokërr finoku
  • 2 vezë
  • 200 gr djathë i tymosur ose kaçkavall sipas dëshirës
  • 100 gr djathë parmixhan i grirë
  • kripë
  • piper
  • vaj ulliri
  • 1 gotë qumësht

Përgatitja

  • Lajmë e pastrojmë perimet. I presim në copa dhe i vendosim të ziejnë në një tenxhere me avull përreth 20 minuta. 
  • Në një enë qelqi rrahim vezët dhe shtojmë pak nga pak qumështin dhe djathin në copa. Shtojmë në të perimet e ziera. I trazojmë së bashku dhe i hedhim pak kripë e pak piper.
  • I përziejmë mirë. Në një tavë hedhim pak vaj ulliri dhe shtojmë masën e përgatitur duke e niveluar mirë me lugë.
  • Sipër i hedhim djathin e grirë dhe pak vaj ulliri.Vendosim tavën të piqet në furrë të nxehtë 200°C përreth 20-30 minuta. Më pas e lemë të ftohet pak dhe e presim në copa.
  • E shërbejmë pastiçon me perime të ngrohtë.

Ju bëftë mirë!

223 Shares
Lini një Përgjigje

Adresa juaj email s’do të bëhet publike.

Recipe Rating




You May Also Like

Sallatë gruri

Sallata e grurit është një pjatë e freskët, ideale për stinën e verës. është një pjatë e ftohtë të cilën mund ta përgatisim edhe disa orë përpara se ta shërbejmë. Në këtë recetë ne kemi zgjedhur të përziejmë grurin me djathë, domate të freskëta e ullinj, por secili nga ju mund ta përziejë me gjithçka që dëshiron, sipas dëshirës e fantazisë suaj.

Perime në Avull

Perimet bëjnë shumë mirë për shëndetin tonë, sepse përmbajnë vitamina nga më të ndryshmet. Duhet ti konsumojmë sa më shumë gjatë vakteve. Perimet, në çfarë do lloj mënyre i gatuajmë, nuk duhen të jenë shumë të ziera sepse humbasin të gjitha vlerat ushqyese. Zierja në tenxhere me avull është mënyra më e mirë e më e shëndetshme për të gatuar perimet dhe jo vetëm. Në këtë mënyrë perimet nuk janë në kontakt me ujin dhe ruajnë të gjitha vlerat ushqyese.