Speca me domate

155 Shares
155
0
0
Specat e pjekur të shoqëruar me domate të skuqura janë një pjatë verore e shijshme. Në këtë stinë perimet janë të freskëta dhe të mira dhe me to mund të gatuajmë shumë pjata të ndryshme. Specat e gatuara në këtë mënyrë mund edhe ti përziejmë me makarona ose shoqërojmë një pjatë mishi.

Speca me domate

Përbërësit

  • 1 spec i kuq i madh ose 4 të vegjël
  • 1 spec i verdhë
  • 1 spec jeshil
  • 400 gr domate të freskëta
  • 4 thelpinj hudhre
  • 3 qepë të njoma
  • pak kripë
  • pak piper
  • pak majdanoz
  • 3 lugë gjelle vaj ulliri

Përgatitja

  • Si fillim lajmë mirë specat dhe i thajmë me letër. Vendosim specat në zgarë të piqen.
  • Më pas pasi i kemi qëruar mirë, i presim në copa.
  • Në një tigan hedhim vajin e ullirit dhe grijmë hollë qepën e njomë dhe hudhrën.
  • E kavërdisim pak derisa të zbutet. Më pas shtojmë domatet e prera në copa. Mbulojmë tiganin me kapak dhe e lemë të ziejë për pesë minuta.
  • Më pas shtojmë specat e prera, pak kripë e pak piper. Mbulojmë me kapak përsëri dhe e lemë të ziejë me zjarr të ngadaltë derisa të shohim që salca është lidhur.
  • Pasi është gati, në fund shtojmë majdanoz të grirë hollë dhe e trazojmë.
  • Hedhim specat me domate në pjatë dhe i shërbejmë.
  • kjo pjatë mund të shijohet edhe e ftohtë.

Notes

Përgatitja

Ju bëftë mirë nga ArtiGatimit.com!

arti-speca-me-domate-receta-gatimi-tradicionale-shije

155 Shares
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Qofte me spinaq

Qoftet me spinaq janë shumë të mira për ata që dëshirojnë një pjatë të thjeshtë e të shijshme. Receta e këtyre qofteve është e thjeshtë dhe nuk kërkon shumë kohë. Këtë pjatë mund ta shoqërojmë me perime të ndryshme, sallata ose thjesht mund ta shijojmë edhe në momentin e aperitivit. Kjo recetë është dhe një mënyrë e mirë për të bërë fëmijët të hanë perimet që janë të fshehura në qofte.

Oriz me domate

Orizi me domate është një pjatë e shijshme dhe e shpejtë që pëlqehet si nga fëmijët dhe të rriturit. Kjo është një pjatë e thjeshtë edhe për ata që janë në hapat e para në kuzhinë.

Perime të pjekura në furrë

Perimet janë të domosdoshme për shëndetin tonë. Kjo recetë është ideale edhe për kë dëshiron të mbajë dietë, për vegjetarianët apo thjesht për të shoqëruar një pjatë mish. është një recetë e thjeshtë për tu bërë pasi mjafton te vendosësh perimet siç janë në furrë e më pas i qërojmë e i presim në copa. Mund të përdorim perime të ndryshme.

Kastravecë turshi

Kastravecë turshi është një recetë tjetër që na mundëson të konservojmë kastravec për një kohë të gjatë. Kastravecët duhet të jenë në madhësi mesatare dhe zgjidhni ata më cilësorët. Kastravecë turshi kanë një kosto të ulët dhe mund të shoqërojnë çdo pjatë ose mund të shërbehen gjatë një aperitivi midis miqsh.