Receta Gjizë e bërë në shtëpi

Receta gjizë e bërë në shtëpi me qumësht. Për të përgatitur gjizë në shtëpi duhet të përdorim përbërës të freskët dhe me masat e dhëna përftojmë rreth 700 gr gjizë të freskët qumështi.

Receta Gjizë e bërë në shtëpi

Prep Time10 minutes
Cook Time19 minutes
Total Time29 minutes
Course: Snack
Cuisine: Albanian
Keyword: kuzhina shqiptare
Sasia: 4 persona
Kalori: 160kcal

Përbërësit

  • 2 litër qumësht
  • 500 gr kos i bardhë
  • kripë

Përgatitja

  • Për të përgatitur gjizë në shtëpi duhet të përdorim qumësht të freskët dhe të plotë, nuk duhet të jenë hequr yndyrat. Kjo është një nga mënyrat tradicionale e përgatitjes së gjizës në shtëpi. Nëse nuk doni të përdorni kosin, mjafton pak lëng limoni ose uthull e bardhë.
  • Qumështi i vluar më parë dhe i ftohur i hedhim kosin dhe e trazojmë. Enën e vendosim në zjarr të ulet. Enën do e lemë në zjarr sa të bëhet ndarja e pjesës së plotë dhe të ujit.(si në foto). E heqim enën nga zjarri dhe e lemë të ftohet.
  • Masën e ftohur e kullojmë në një napë të përvëluar më parë. Për 10-15 minuta gjiza është gati. Hedhim kripë sipas sipas dëshirës. Vendosim gjizën në frigorifer për te paktën 2-3 orë dhe e shërbejmë.
  • Hirra që del nga gjiza e qumështit rekomandohet nga mjekët për pastrimin e mëlçisë. Gjiza mund të përgatitet edhe me aroma të ndryshme, abonohuni në njoftimet e faqes për të lexuar recetat e reja.

Ju bëftë mirë nga Artigatimit.com

Me gjizën e përgatitur në shtëpi mund të përgatisim byrek me gjizë ose antipaste e gjizë.
Lexoni gjithashtu recetën për gjizë kosi.

2 Shares
0 comments
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Sallatë me rrepa të kuq e mollë

Panxhari sheqerit ka shumë kalori pasi është shumë i pasur me karbohidrate. është shumë i mirë për shëndetin tonë sepse ka një efekt terapeutik. Në vendin tonë, për fat të keq, kjo lloj perime nuk gjen një përdorim të gjerë. Këshillohet përdorimi i panxharsheqerit pasi shkenca ka vërtetuar se në ato vende ku konsumimi i tij është më i lartë, është më i ulët zhvillimi i sëmundjeve të këqija në zorrë. Kjo recetë që ne propozojmë është një sallatë e freskët, e shpejtë që mund të shoqërojë pjata të dyta.

Rrepa turshi

Rrepat turshi kanë një shije majhoshe sepse ëmbëlsia e tyre lidhet bukur me thartësinë e uthullës. Të përgatitura në këtë mënyrë kemi një pjatë të shijshme që shkon shumë me pjatanca djathrash o sallamrash të ndryshëm.

Speca me domate ne tigan

Speca me domate në tigan janë shumë të shijshme. Këto janë specat dhe domatet e fundit për këtë stinë. Speca me domate të gatuara në tigan është një nga ato pjatat që më çon pas në kohë, më sjell ndërmend fëmijërinë.

Purè patate

Pureja e patates është një pjatë e shijshme si për fëmijët dhe për të rriturit. Kjo recetë që ne japim është shumë e thjeshtë dhe e shpejtë. Zakonisht për të bërë purenë, patatet zihen më parë me gjithë lëkurë, më pas qërohen dhe kalohen në makinerinë e duhur për të bërë purenë, e pas kësaj zihen me qumësht. Por jo të gjithë mund ta kenë këtë makineri, e për të shkurtuar edhe kohën e përgatitjes kemi menduar të propozojmë recetën e mëposhtëme.

Perime në Avull

Perimet bëjnë shumë mirë për shëndetin tonë, sepse përmbajnë vitamina nga më të ndryshmet. Duhet ti konsumojmë sa më shumë gjatë vakteve. Perimet, në çfarë do lloj mënyre i gatuajmë, nuk duhen të jenë shumë të ziera sepse humbasin të gjitha vlerat ushqyese. Zierja në tenxhere me avull është mënyra më e mirë e më e shëndetshme për të gatuar perimet dhe jo vetëm. Në këtë mënyrë perimet nuk janë në kontakt me ujin dhe ruajnë të gjitha vlerat ushqyese.