Garnitura
Shkruaj një koment

Sallatë me karkaleca deti

Përgatitja: 15 min - Pjekja: 5 min - Sasia: 2 Persona

Sallatë me karkaleca deti përgatitet në pak minuta dhe në më pak se 300 kalori mund të shijoni diçka vërtet të shijshme. Kjo sallatë mund të shoqërohet edhe me disa feta avokado.

Përbërësit për Sallatë me karkaleca deti


  • 500 gr karkaleca deti

  • 100 gr sallate jeshile

  • 50 gr ullinj

  • 100 gr domate te vogla

  • 2 rrepa

  • vaj ulliri

  • lëng limoni

  • kripë

  • piper


Përgatitja

Për te përgatitur sallatën me karkaleca deti, si fillim duhet të pastrojmë këtë të dytët. Heqim bishtin nga trupi dhe me një thikë shkëpusim pjesën e zezë të gjatë. Me pas i zhysim në një enë me ujë të ngrohtë për disa minuta. I kullojmë dhe i lënë të ftohen.

Ndërkohë vazhdojmë me përgatitjen e perimeve. Pastrojmë rrepën dhe e presim në feta te holla, gjithashtu edhe domatet e vogla dhe i vendosim më vete.

Në një enë hedhim vaj ulliri, piper dhe lëng limoni. E trazojmë mirë këtë përbërje që do të na shërbejë të spërkasim sallatën me karkaleca.

Për ta shërbyer sallatën mund të vendosim një shtresë jeshilë poshtë dhe më pas të vendosim domate, rrepa dhe disa ullinj, sipër shtojmë karkalecat e detit. Ose sipas dëshirës mund ti përzieni të gjithë përbërësit së bashku. Në fund shtoni lëngun aromatizues dhe rregulloni kripën.

Sallatë me karkaleca deti është gati.

Lexoni recetat e tjera si oriz me karkaleca, avokado me karkaleca, karkaleca ne zgare.

Ju bëftë mirë!

Shkruani komentin tuaj - Komente