Gjethja e rrepave është shumë e mirë, dhe ngjason me spinaqin. Mund ta gatuajmë të zier në ujë ose në avull, me vaj sipër dhe kështu shoqëron pjatanca të ndryshme mishi ose peshku. Në këtë recetë, ne e sjellim në një variant si sallatë që mund ta hamë si meze për të hapur oreksin ose thjesht mund të shoqërojmë një pjatë mishi.
Sallatë e zier me gjethe rrepash
Përbërësit
- 1 kg gjethe rrepash të freskëta
- 2-3 qepë të njoma
- 1 gjethe dafine
- 1 degë sherebele
- pak kripë
- pak piper
- 1 limon
- pak vaj ulliri
Përgatitja
- Marrim gjethet e rrepave dhe i lajmë mirë. Në një tenxhere hedhim gjethet e lara dhe qepët e njoma të prera hollë. Shtojmë dhe gjethen e dafinës, sherebelën dhe kripën.
- I shtojmë dhe pak ujë, (gati 1 filxhan kafeje). I lemë të ziejnë përreth 10 minuta.
- Më pas i heqim, nqse ka akoma pak ujë i kullojmë, heqim gjethen e dafinës dhe të sherebelës. Më pas i vendosim në pjatë dhe i lemë të ftohen. Ndërkohë përgatisim salcën për tija hedhur sipër.
- Në një tas hedhim 3 lugë vaj ulliri, lëng limoni, piper dhe pak kripë. I trazojmë mirë dhe këtë salcë ia hedhim sipër gjetheve. Kjo pjatë është ideale të shërbehet e ftohtë.
Ju bëftë mirë
Na ndiqni në Instagram @ArtiGatimit dhe vendosni tag #artigatimit recetat që gatuani!
Komento nga Facebook!