Antipasta (Meze), Garnitura
2 komente

Patëllxhan të mbushur me djathë

Përgatitja: 20 min - Pjekja: 20 min - Sasia: 4

Receta e patëllxhanëve të mbushur me djathë na vjen nga një lexuese e rregullt e faqes tonë, Viola, të cilën e falenderojmë për këtë pjatë kaq të shijshme.

Përbërësit për Patëllxhan të mbushur me djathë


  • 2-3 patëllixhan

  • 2-3 patate

  • 2 vezë

  • 50 gr djathë te grirë

  • 2 feta buke

  • pak kripë

  • pak miell

  • pak vaj


Përgatitja

I ndajmë patëllxhanat përgjysëm për së gjati dhe i vemë të ziejnë derisa të zbuten (derisa piruni mund ti shpoj kollaj ). Në një enë tjetër vemë te ziejnë dhe dy ose tre patate.

Kur heqim patëllxhanat nga uji i vendosim sipër një mbulese që tu pijë ujin dhe me një lugë u heqim pjesën e brendshme dhe u lëmë veç lëkurën.

Pasi të jenë zier patatet u derdhim ujin dhe aty shtojmë zemrat e patëllxhanëve,dhe i shtypim mirë si pure,pastaj shtojmë dy vezë, pak djathë te grire dhe tulin e bukës të lagur më parë dhe kripë.
I përziejmë mirë të gjitha bashkë me dorë ( njëlloj si veprojmë për të bërë qofte ).
Me këtë përbërje mbushim patëllxhanët dhe i sperkasim sipër me pak miell.

I skuqim në tigan ku vaji të nxehet mirë përpara në mënyrë që mos të marrin shume vaj.(Duhet të kemi kujdes që ti sperkatm me miell në momentin qe do i vemë për tu skuqur,jo përpara në mënyrë që të mos laget mielli nga mbushja. )
I skuqim mirë nga të dy anët dhe në pjatën qe do i hedhim, vendosim letër kuzhine që ti thithin vajin.
Mundësisht të serviren të ngrohta.

Ju bëftë mirë – Nëse dëshironi, dërgoni dhe ju recetën tuaj në www.ArtiGatimit.com!

2 Comments

  1. Ana says

    Yum yum yum….
    :) Faleminderit per keto receta kaq TE MIRA!!!! :D Do t’i gatuaj menjehere!!!!

Shkruani komentin tuaj - Komente