Kastravecë turshi

109 Shares
109
0
0
Kastravecë turshi është një recetë tjetër që na mundëson të konservojmë kastravec për një kohë të gjatë. Kastravecët duhet të jenë në madhësi mesatare dhe zgjidhni ata më cilësorët. Kastravecë turshi kanë një kosto të ulët dhe mund të shoqërojnë çdo pjatë ose mund të shërbehen gjatë një aperitivi midis miqsh.

Kastravecë turshi

Prep Time30 mins
Cook Time5 mins
Total Time35 mins
Course: Salad
Cuisine: Albanian
Keyword: kuzhina shqiptare
Sasia: 5 vazo
Kalori: 120kcal

Përbërësit

  • 2 kg kastravecë të vegjël
  • 200 gr kripë e trashë
  • 200 gr sheqer
  • 500 ml uthull
  • 1.5 L ujë
  • gjethe dafine
  • piper kokërr
  • pak karafil

Përgatitja

  • Lajmë kastravecët dhe i heqim ujin. Nuk është nevoja të qërohen mjafton të presim pak bishtin e majën. Në një enë hedhim përbërësit kripën, sheqerin, uthullën, ujin dhe e vëmë në zjarr.
  • Më pas shtojmë edhe kastravecët se bashku me erëzat dafine, karafil dhe piper. I lëmë për 5 minuta dhe më pas i heqim me kujdes dhe i sistemojmë nëpër vazo të sterilizuara. Duhet të mundohemi të vendosim sa më shumë kastravecë në vazo.
  • Lëngun në enë e hedhim më pas nëpër vazo duke i mbushur deri sipër. Sipas dëshirës mund të përfshijmë edhe erëzat në të ose mund ta kullojmë.
  • Vazot me kastravecë turshi i lemë 2-3 minuta të hapura, duke i parë mos kanë nevojë akoma për ujë dhe pastaj i vendosim kapakun. Vazot e mbyllura i radhitim në një enë tjetër të madhe me ujë të nxehtë. Enës i vendosim kapakun dhe një pecetë të mos dali avulli. Enën e vëmë në zjarr të ngadalshëm për pak minuta. Kjo shërben të vulosi vazot nëse nuk e keni hedhur lëngun të nxehtë.
  • Vazot me kastravecë turshi ruhen në vend të errët dhe të freskët. Kastravecët turshi mund të hapen për tu konsumuar pas 30 ditë dhe mund të ruhen rreth 1 vit.

Receta për lakra turshi

Ju bëfshin mirë nga Artigatimit.com

109 Shares
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Kunguj me domate e mocarela

Kjo pjatë e freskët është ideale për një aperitiv me miqtë apo për një antipastë të shijshme. Këto feta kunguj duken si pica të vogla, për vetë faktin që janë me salcë e mocarela sipër. Janë shumë të thjeshta për tu përgatitur, mjafton të pjekësh në zgarë fetat e kungujt e ti hedhësh sipër salcën dhe djathin. Pëlqehen nga e gjithë familja.

Karota në avull me vaj aromatizues

Perimet nuk duhet të mungojnë në tavolinë dhe mbi të gjitha karotat. Mënyrat që mund të përgatiten janë të shumta. Karota në avull është një recetë e thjeshtë dhe me shume vlera.

Sallatë me rrepa të kuq e mollë

Panxhari sheqerit ka shumë kalori pasi është shumë i pasur me karbohidrate. është shumë i mirë për shëndetin tonë sepse ka një efekt terapeutik. Në vendin tonë, për fat të keq, kjo lloj perime nuk gjen një përdorim të gjerë. Këshillohet përdorimi i panxharsheqerit pasi shkenca ka vërtetuar se në ato vende ku konsumimi i tij është më i lartë, është më i ulët zhvillimi i sëmundjeve të këqija në zorrë. Kjo recetë që ne propozojmë është një sallatë e freskët, e shpejtë që mund të shoqërojë pjata të dyta.

Qofte me karota – Recetë e shpejtë

Qofte me karota është një recetë për garniture e thjeshte për tu përgatitur dhe shumë e shijshme. Këto qofte të shëndetshme përshtaten shumë mire më çdo lloj ushqimi qoftë drekë apo darkë.