Patate në tavë me djathë

Patate në tavë me djathë të pjekura në furrë janë një variant vërtet i shijshëm, e përgatitur me pak përbërës dhe në një mënyrë shumë të thjeshtë por tepër të shijshme. Kjo pjatë me patate mund të përdoret si garniturë, meze ose pse jo edhe si një pjatë e dytë.

Patate në tavë me djathë

Prep Time20 minutes
Cook Time20 minutes
Total Time40 minutes
Course: Side Dish
Cuisine: Mediterranean
Keyword: perime
Sasia: 4 persona
Kalori: 270kcal

Përbërësit

  • 500 gr patate
  • 250 gr djathë mozzarella
  • 100 gr djathë kaçkavall të grirë parmigiano
  • 50 ml qumësht
  • 30 gr gjalpë
  • piper i zi
  • arrë moskat
  • kripë

Përgatitja

  • Për të përgatitur këtë pjatë patate në tavë me djathë, si fillim qërojmë patetet i lajmë dhe i presim në feta. Më pas i shtrojmë në tava balte për çdo person ose në një pjatancë të madhe.
  • Në fillim shtrojmë një shtresë patate, pastaj shtojmë copa djathë mozzarella, e spërkatim me piper dhe pak kripë,vendosim një shtresë të hollë djathi të grirë kaçkavall.
  • Vendosim sipër patate dhe pastaj prapë djathë mozzarella e djathë të grirë. Kështu vazhdojmë derisa sipër të kemi një shtresë patate sipërfaqen e së cilës e mbushim me djathë kaçkavall të grirë në rende.
  • Hedhim qumështin e ngrohtë e përzier me gjalpin. Hedhim pak fare kripë, piper dhe arrë moskat. Tavat me patate me djathë i vëmë për të pjekur në furrë të nxehur në temperaturën 200° për 20 minuta.
  • Patate në tavë me djathë janë gati. Presim të ftohët pak dhe e shërbejmë.

Receta për oktapod me patate, torte me patate ose musaka patate

Ju bëftë mirë!

4 Shares
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Sallatë me domate

Në këtë stinë gjejmë domate shumë të shijshme dhe ku ka më mirë në ditë të nxehta se sa një sallatë e freskët. Në këtë stinë gjejmë domate shumë të shijshme dhe ku ka më mirë në ditë të nxehta se sa një sallatë e freskët.

Sallatë me rrepa të kuq e mollë

Panxhari sheqerit ka shumë kalori pasi është shumë i pasur me karbohidrate. është shumë i mirë për shëndetin tonë sepse ka një efekt terapeutik. Në vendin tonë, për fat të keq, kjo lloj perime nuk gjen një përdorim të gjerë. Këshillohet përdorimi i panxharsheqerit pasi shkenca ka vërtetuar se në ato vende ku konsumimi i tij është më i lartë, është më i ulët zhvillimi i sëmundjeve të këqija në zorrë. Kjo recetë që ne propozojmë është një sallatë e freskët, e shpejtë që mund të shoqërojë pjata të dyta.

Perime të pjekura në furrë

Perimet janë të domosdoshme për shëndetin tonë. Kjo recetë është ideale edhe për kë dëshiron të mbajë dietë, për vegjetarianët apo thjesht për të shoqëruar një pjatë mish. është një recetë e thjeshtë për tu bërë pasi mjafton te vendosësh perimet siç janë në furrë e më pas i qërojmë e i presim në copa. Mund të përdorim perime të ndryshme.