Një nga kombinimet e pjatave tepër të shijshme. Oktapod me patate mund të jetë një meze ku të shoqëroni një pjatë peshku.
Oktapod me patate
Sasia: 4 persona
Kalori: 250kcal
Përbërësit
- 1 oktapod
- 1 kg patate
- 15 gr majdanoz i grirë
- 1 kokërr limon
- vaj ulliri
- kripë
Përgatitja
- Pastrojmë oktapodin, e lajmë dhe e vëmë për të zier në një enë me ujë të bollshëm e me kripë. Në momentin që oktapodin e hedhim në tenxhere për të zier nuk duhet ta hedhim menjëherë sepse tentakulat e tij mblidhen.
- Veprimi do të jetë ky:e kapim nga koka e zhytim, e nxjerrim dhe këtë veprim e bëjmë 3 herë. Më pas oktapodin e lemë për të zier 40-45 minuta (40 minuta për kilogram).
- Pasi oktapodi ka zier e vendosim në një enë të kulloj uji. Oktapodin e zier e presim duke filluar nga koka, pastaj pjesën tjetër duke i lënë këmbët pak më të gjata. Pjesët e prera i hedhim në një enë,ku shtojmë majdanozin e prerë hollë, limon, vaj ulliri dhe i përziejmë. Ndërkohë që oktapodi marinohet merremi me patatet.
- Lajmë patatet dhe i vëmë për të zier në një enë me ujë të bollshëm. Pasi ziejnë patatet i kullojmë ujin, i qërojmë, i presim në forma kubike dhe i hedhim në enën ku kemi oktapodin.
- E përziejmë të bashkohen shijet dhe e servirim oktapod me patate në pjatanca duke shtuar edhe feta limoni.
Lexoni recetat për oktapod dhe karkaleca ose si të gatuajmë gaforre
Ju bëftë mirë!
