Speca te mbushura me gjize është një recete klasike e verës. E shpejte për t’u përgatitur dhe shumë e shijshme pasi specat në furrë ruajnë te gjitha vlerat ushqimore.

Përbërësit për Speca të mbushura me gjize në furrë

• 500 gr speca të kuq


• 2 speca jeshil


• 200 gr gjizë


• 1 domate


• 1 qepë


• hudhra


• piper


• pak galetë (bukë e tharë e grirë imët)


• vaj ulliri


• majdanoz

Përgatitja

Për recetën speca të mbushura me gjize kemi zgjedhur të përdorim speca të kuq biologjik. Si fillim lajmë specat, i thajmë dhe heqim bishtin dhe farat. I vendosim mënjane dhe fillojmë të përgatisim mbushjen.
Në një enë hedhim gjizën, domaten e prerë në kubik të vegjël, hudhrat e grira imët, pak galete, pak piper, vaj ulliri dhe i trazojmë.

Me masën e përgatitur mbushim specat dhe i vendosim në tavë. Sipër specave të mbushur do të hedhim qepën dhe specat jeshil të prerë në kubik. Tavën e spërkatim me vaj duke shtuar dhe gjysmë gote ujë.
Tavën me speca të mbushura me gjize e pjekim në furrë të para ngrohur në 180°C për 20 minuta.
Receta është gati, spërkatim sipër pak majdanoz të freskët dhe e shërbejmë.

Ju bëftë mirë!