Lakra e bardhë e zier është një pjatë e shijshme për të shoqëruar pjatanca mishi apo peshku apo për tu konsumuar thjesht si sallatë. Sigurisht fute tek kategoria me receta te shendetshme. Koka e lakrës ka shumë veti të dobishme për organizmin tonë. Ajo është e pasur me kripëra minerale, me acid folok, vitamina A, vitamina C e shumë të tjera. Këshillohet që të konsumohet shpesh. Ne e kemi sjellë në këtë recetë të zier por fare mirë mund ta konsumoni krudo si sallatë.

Përbërësit për Lakër e bardhë e zier – Receta te shendetshme

• 1 kokë lakër 600-700 gr


• 5-6 lugë gjelle vaj ulliri


• 1-2 karota


• pak kripë


• pak piper


• 1 gjethe dafine


• 1/2 limon

Përgatitja

Mrrim lakrën dhe e pastrojmë nga gjethet e dëmtuara. E shpëlajmë dhe e presim në katër pjesë. Eliminojmë pjesën e fortë në mes. Më pas e presim në copa dhe e vendosim në tenxhere me ujë. Shtojmë gjithashtu edhe karotat e qëruara e të prera në copa.
I hedhim kripë dhe gjethe dafine dhe i lemë të ziejnë. Pasi janë zier, i kullojmë mirë. I hedhim në pjata ku sipër hedhim pak vaj ulliri, pak piper e lëng limoni sipas dëshirës.

Zbukurojmë pjatën me feta limoni. Shërbejmë lakrën e zier si sallatë për të shoqëruar pjatanca mishi.

Ju bëftë mirë!