Perimet bëjnë shumë mirë për shëndetin tonë, sepse përmbajnë vitamina nga më të ndryshmet. Duhet ti konsumojmë sa më shumë gjatë vakteve. Perimet, në çfarë do lloj mënyre i gatuajmë, nuk duhen të jenë shumë të ziera sepse humbasin të gjitha vlerat ushqyese.
Zierja në tenxhere me avull është mënyra më e mirë e më e shëndetshme për të gatuar perimet dhe jo vetëm. Në këtë mënyrë perimet nuk janë në kontakt me ujin dhe ruajnë të gjitha vlerat ushqyese.
Perime në Avull
Sasia: 0
Kalori: 98kcal
Përbërësit
- 2 kokrra patate
- 3 karrota
- 150 gr lulelakër të bardhë
- 150 gr brokoli
- pak kripë
- vaj ulliri
- 1 degë rozmarine
Përgatitja
- Marrim perimet i lajmë me ujë të rrjedhshëm. Qërojmë patatet dhe karrotat dhe i presim në copa. Ndajmë dhe lulet e lulelakrës dhe të brokolit.
- Vemë perimet të ziejnë në tenxheren me avull, i hedhim dhe pak kripë. Ne qofte se dëshironi mund ti shtoni dhe një degë rozmarine për ti dhënë aromë perimeve.
- Pasi janë zier i vendosim perimet në një pjatancë, i hedhim sipër majdanoz dhe pak vaj. Mund ti shërbejmë si të ngrohta ashtu edhe të ftohta.
4 comments
jeni te mrekullueshem.gjerat e bukura nuk kane nevoje per shume reklame.ju faleminderit per recetat.
faleminderit ju besiana qe na ndiqni e qe provoni recetat tona. gjithe te mirat!
Receta me e mrekullueshme dhe qe me pelqen mua
Ju befte mire :)
Rekomandoje dhe te tjereve faqen!