Speca pjekur për dimër

Dimri është një stinë që nuk ofron të gjitha frutat dhe perimet prandaj duhet të gjejmë mënyra për ti konsumuar edhe gjatë kësaj periudhe. Disa nga perimet munden lehtësisht të mbahen në ngrirje dhe të përdoren në dimër dhe disa të tjera në formë turshi apo konserva.

Speca pjekur për dimër përgatitur në një mënyrë fare të lehtë por vetitë dhe shijen që ruhen.

Speca pjekur për dimër

Prep Time30 mins
Cook Time15 mins
Total Time45 mins
Course: Appetizer
Cuisine: Albanian
Keyword: perime
Sasia: 4 vazo
Kalori: 150kcal

Përbërësit

  • 1 kg speca të kuq ose jeshil
  • 3 lugë gjellë vaj ulliri
  • 1 lugë gjellë kripë

Përgatitja

  • Lajmë specat i fshijmë nga uji. Specat i rreshtojmë në një tavë dhe i pjekim në furrë të nxehur në temperaturën 200°C për 15 minuta.
  • Pasi piqen i vendosim në një enë qelqi, i mbulojmë me një qeskë kuzhine dhe i lemë sa specat të ftohen.
  • Pastrojmë specat nga lëkura dhe farat. Specat e pastruara i vendosim në një kullesë makaronash dhe i lemë 10 minuta që tu kulloi lëngu që ato lëshojnë. Më pas hedhim kripën, vajin dhe i përziejmë.
  • Mbushim vazot duke i ngjeshur mirë dhe sipër u hedhim nga një lugë vaj. Vazot e mbushura i mbyllim fort me kapak.
  • Në një enë ku kemi shtruar një pecetë pambuku vendosim vazot. Enën e mbushim me ujë sa të mbulohen vazot dhe e vendosim në zjarr të ngadalshëm. E lemë të vlojë për gati 15 minuta.
  • Pasi të ftohet uji marrim vazot dhe i ruajmë ne vend pa lagështi e pa dritë për 1 vit.
  • Vazot me speca pjekur janë gati. Mund ti përdorni si meze apo shoqëruese pjatash gjatë periudhës se dimrit.

Lexoni përgatitjen e speca me gjizë për dimër ose speca gogozhare.

Ju bëftë mirë!

101 Shares
Lini një Përgjigje

Adresa juaj email s’do të bëhet publike.

Recipe Rating




You May Also Like

Kunguj me domate e mocarela

Kjo pjatë e freskët është ideale për një aperitiv me miqtë apo për një antipastë të shijshme. Këto feta kunguj duken si pica të vogla, për vetë faktin që janë me salcë e mocarela sipër. Janë shumë të thjeshta për tu përgatitur, mjafton të pjekësh në zgarë fetat e kungujt e ti hedhësh sipër salcën dhe djathin. Pëlqehen nga e gjithë familja.

Si të gatuajmë Patate në furrë

Patate në furrë është një pjatë që mbase nuk ka nevojë për recetë sesa disa këshilla për ti përgatitur në mënyrë të përsosur. Lexoni çfarë kemi përgatitur për këtë garniturë që nuk mungon asnjëherë në tavolinë.

Sallatë me rrepa të kuq e mollë

Panxhari sheqerit ka shumë kalori pasi është shumë i pasur me karbohidrate. është shumë i mirë për shëndetin tonë sepse ka një efekt terapeutik. Në vendin tonë, për fat të keq, kjo lloj perime nuk gjen një përdorim të gjerë. Këshillohet përdorimi i panxharsheqerit pasi shkenca ka vërtetuar se në ato vende ku konsumimi i tij është më i lartë, është më i ulët zhvillimi i sëmundjeve të këqija në zorrë. Kjo recetë që ne propozojmë është një sallatë e freskët, e shpejtë që mund të shoqërojë pjata të dyta.