Patëllxhani është mbretëresha e perimeve të pranverës dhe verës, i shkëlqyer për përgatitjen e shumë recetave me shije, por edhe me shumë vlera ushqyese, është i mirë për trupin tonë dhe kjo për vitaminat e mrekullueshme që përmban.
Patëllxhan turshi ruajtur në vaj, në këtë mënyrë mund të ruajnë shijen dhe kthehen në zahire dimri plot vlera.
Patëllxhan turshi në vaj
Sasia: 2 vazo
Kalori: 230kcal
Përbërësit
- 3 kg patëllxhan
- 2 kg uthull
- 100 gr kripë e trashë
- 5 thelpinj hudhre
- 40 gr rigon
- vaj ulliri
Përgatitja
- Patëllxhanëve u presim bishtat dhe i lajmë. Më pas i fshijmë me një pecetë dhe i presim në formë rrethore 0,5 mm. Nëse patëllxhanët janë të mëdhenj mund tua qërojmë lëkurën ose ta heqim në mënyrë të alternuar.
- Në një enë qelqi hedhim uthullën, kripën dhe i trazojmë. Pasi tretet kripa shtojmë patëllxhanët, të cilët duhet të mbulohen nga uthulla. Sipër vendosim një pjatë si kundërpeshë, që patëllxhanët të rrinë nën uthull.
- Patëllxhanët do të rrinë nën uthull për 24 orë. Gjatë kësaj kohe patëllxhanët i trazojmë disa herë.
- Pas 24 orë patëllxhanët kullohen, vendosen në një pecetë pambuku dhe shtrydhen fortë derisa të largohet uthulla.
- Tashmë, patëllxhanët e tharë, vendosen në një enë qelqi, ku shtojmë hudhrat e prera hollë, rigon, vaj ulliri dhe i trazojmë. Më pas i patëllxhanët i vendosim në vazo të sterilizuara, duke i ngjeshur fort me dorë. Sipër hedhim vaj ulliri. Vazot i lemë të hapura për gati 1 orë që vaj të shpërndahet në të gjithë vazon.
- Pas 1 orë i shtojmë akoma vaj nëse është nevoja. Vazot i mbyllim fort me kapak dhe i ruajmë në vend të freskët.
Receta për patëllxhan të mbushur.
Ju bëftë mirë
