Patëllxhanë të mbushur është një pjatë shumë e përdorur dhe janë shumë mënyra për ta përgatitur. Një ide e mirë edhe për të përdorur perimet e ngelura në shtëpi.
Patëllxhanë të mbushur
Sasia: 4 persona
Kalori: 130kcal
Përbërësit
- 4 patëllxhanë
- 50 gr ullinj
- 4 kokrra domate
- 100 gr tul buke
- 1 thelbi hudhër
- djathë i grirë
- rigon
- majdanoz
- fara pishe
- vaj ulliri
- kripë
Përgatitja
- Për të përgatitur patëllxhan të mbushur si fillim duhet të pastrojmë perimet dhe patëllxhanët i ndajmë në gjysmë për së gjati. Heqim tulin brenda dhe i bëjmë kubik të vegjël. Presim dhe domatet në copa të vogla. Nëse është e mundur i heqim lëkurën.
- Në një enë me vaj ulliri hedhim hudhrën e grirë dhe kaurdisim tulin e patëllxhanëve dhe pak më vonë shtojmë dhe domatet e grira. Grijmë tek mbushja edhe disa kokrra ulliri. I heqim nga zjarri dhe shtojmë erëzat dhe rregullojmë kripën.
- Më pas shtojmë tulin e bukës të regjur pak në ujë dhe djathin e grirë. E përziejmë mirë të gjithë masën. Me ndihmën e një luge mbushim më radhë patëllxhanët dhe i vendosim në një tavë. Sipër patëllxhanë të mbushur hedhim disa fara pishe dhe pak vaj ulliri.
- Tavën me patëllxhan e pjekimi në furrë për 30 minuta në temperaturën 180°C. Pasi janë pjekur i lemë pak të ftohen dhe i shërbejmë.
Si gjithmonë ju sugjerojmë të lexoni recetat e ngjashme Imam bajalldi, patëllxhan me djathë apo patëllxhan turshi.
