Antipasta (Meze)
Leave a comment

Petulla të fshira – Kuzhina Shqiptare

Receta për petulla të fshira është e thjeshtë për tu përgatitur dhe shume e shijshme. Këto petulla, ndryshe nga receta për petulla klasike, përgatiten në formën e krepave të holla. Më pas shtresat e petullave mbushen me djathë.

Petulla të fshira

Prep Time30 mins
Cook Time20 mins
Total Time50 mins
Course: Appetizer
Cuisine: Albanian
Keyword: kuzhina shqiptare
Sasia: 6 persona
Kalori: 270kcal

Përbërësit

Për petulla

  • 500 gr miell
  • 2 kokrra vezë
  • 100 ml qumësht
  • 10 gr kripë

Për mbushjen

  • 100 gr gjalpë
  • 300 gr djathë i bardhë
  • 200 gr ujë
  • 3 thelpinj hudhër
  • 10 gr kripë

Përgatitja

  • Për përgatitjen e petulla të fshira na duhet një enë e madhe ku hedhim miellin me vezët, më pas hedhim qumështin me ngadalë dhe e trazojmë.
  • Pasi keni përzierë këto përbërës hedhim ujë derisa masa të kthehet në brumë të rrjedhshëm i ngjashëm me atë të krepave.
  • Pasi brumi është përgatitur marrim një tigan krepash dhe vendoseni në zjarr. Shkrijmë pak gjalpë dhe hedhim në një filxhan. Është e nevojshme që tigani të lyhet me gjalpë duke përdorur copë të pastër (letër kuzhine) sa herë që hidhet masa. Këshillohet që të hidhet masë sa për të mbuluar sipërfaqen e tiganit që të mos dali petulla e trashë ose e qullët.
  • Pasi hedhim përbërjen e rrotullojmë mirë në tigan njësoj si krepat dhe e kthejmë nga ana tjetër. Vazhdojmë në këtë mënyrë derisa mbarojmë të gjithë përbërjen për petulla të fshira.
  • Në një enë vendosim pak ujë me kripë dhe lagim të gjitha petullat, më pas i vendosim në një tepsi duke hedhur në çdo rjesht djathë të bardhë të copëtuar dhe hudhra.
  • Pasi të kemi mbaruar me vendosjen e petullave dhe mbushjen e tyre hedhim sipër gjalpin e shkrirë dhe vendoseni në furrë për 10 minuta.
  • Petulla të fshira janë gati. E presim në copa dhe e shërbejmë.

Petulla të shpejta, petulla me kos ose petulla amerikane

Ju bëftë mirë!

Na ndiqni në Instagram @ArtiGatimit dhe vendosni tag #artigatimit recetat që gatuani!

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *


Komento nga Facebook!

Enter your comment - Comments