Antipasta (Meze)
Komente nga Fb - Shkruaj një koment

Patëllxhan me gjizë dhe bajame si antipaste

Përgatitja: 10 min - Pjekja: 10 min - Sasia: 4 Persona Persona

Patëllxhan me gjizë dhe bajame është një antipaste ideale për stinën e verës. Kjo recetë gatimi është shumë e thjeshtë për tu përgatitur dhe e shijshme. Në aperitiv me miq, me këtë recetë bëni një figurë të bukur.

Përbërësit për Patëllxhan me gjizë dhe bajame si antipaste


  • 500 gr patëllxhan

  • 200 gr rikota (gjize pa kripë)

  • 100 gr pesto (kliko për recetën)

  • 50 gr bajame

  • kripë

  • vaj ulliri

  • piper

  • gjethe qepe të njoma

Përgatitja antipastës

Për antipastën e patëllxhan me bajame fillojmë duke larë dhe pastruar patëllxhanët. I presim në feta për së gjati dhe i lyejmë me pak kripë e vaj ulliri. Pas disa minutash nxehim skarën dhe vendosim patëllxhanët për tu pjekur. I kthejmë dhe pjekim mirë në të dyja anët. Patëllxhanët e pjekur i vendosim në një enë të ftohen.

Në një enë qelqi hedhim rikotën, salcën pesto dhe i përziejmë. Shtojmë dhe pak piper nëse na pëlqen. Përgatitjen për pesto mund ta gjeni në faqen tone.
Me këtë përzierje mbushim fetat e patëllxhanëve që poqëm. I radhisim patëllxhanët dhe sipër i hedhim nga një lugë mbushje. Grijmë sipër bajame. Më pas e mbështjellim role dhe e lidhim me gjethe qepe. Ju mund të përdorni edhe ndonjë kunj druri. Vendosim patëllxhan me gjizë dhe bajame në pjatë dhe antipasta është gati.

Ju bëftë mirë nga artigatimit.com

Receta Gatimi

Shkruani komentin tuaj - Komente