Brusketa me salcë avokado mund ta konsumojmë si antipasta dhe janë tepër të thjeshta për tu përgatitur. Avokado është një pemë ekzotike dhe një nga ushqimet më të shëndetshme.Vjen nga Amerika e Mesme dhe Amerika Jugore. Mund të konsumohet e njomë, e prerë në feta ose të përgatitet si salcë.
Brusketa me salcë Avokado
Sasia: 4 persona
Kalori: 220kcal
Përbërësit
- 1 avokado
- 1 lime ose limon
- 2 thelpinj hudhra
- 1 domate e vogël
- kripë
- piper
- vaj ulliri
Përgatitja
- Për të përgatitur brukseta me salcë avocado në fillim duhet të thekim bukën. Ideale është të përdorim një bukë të zezë. Mund te lexoni recetën si të përgatisim bukën në shtëpi.
- Marrim një avokado, e lajmë mirë në mënyrë që të largojmë pesticidet, e presim në mes për ti hequr bërthamën, e qërojmë dhe e presim në feta.
- Grijmë hudhrën imët dhe hedhim në grirës së bashku me avokadon, , pak lëng limoni të freskët ose lime, piper, vaj ulliri dhe 1 domate të vogël. I grijmë derisa të jetë krijuar salca. Ky proces mund të krijohet edhe duke e shtypur avokado me një pirua.
- Bukën e thekur e kalojmë sipër me hudhrën e ngelur dhe e lyejmë me salcën e avocados.
- Për të shoqëruar brusketa me salcë avocado mund të pjekim disa domate të vogla në furrë.
