Antipasta (Meze), Receta Vegjetarjane
Shkruaj një koment

Djathë me domate e qepë të njoma

Djathi i skuqur me qepë të njoma e domate të freskëta, i shoqëruar me një copë buke të thekur është një antipastë ideale pë të hapur një drekë të shijshme. Kjo pjatë mund të shërbehet edhe si pjatë e dytë për të gjithë vegjetarianët. është një pjatë e thjeshtë që gatuhet në pak minuta.

Djathë me domate e qepë të njoma

Përbërësit

  • 300 gr djathë i bardhë dhie
  • 2 qepë të njoma
  • 1 domate e freskët
  • 3 lugë gjelle me vaj ulliri
  • 1 lugë gjelle rigon
  • 1 thelpi hudhre
  • pak kripë
  • pak piper

Përgatitja

  • Si fillim pastrojmë e lajmë qepët dhe domaten.
  • Hedhim në tigan vajin e ullirit dhe hudhrën e shtypur pak. Kur vaji të nxehet shtojmë qepët e prera hollë. I kavërdisim pak.
  • Ndërkohë presim domaten në copa të vogla duke i hequr farat e brendshme. Shtojmë domaten në tigan. Hedhim dhe pak kripë e piper. I lemë për pesë minuta të kavërdisen mirë e më pas shtojmë copën e djathit. Shtojmë edhe rigonin. E kthejmë djathin nga ana tjetër në mënyrë që të skuqet nga të dyja anët. Fikim zjarrin dhe mbulojmë tiganin me kapak. E lemë kështu për disa minuta.
  • Më pas vendosim djathin në pjata dhe e servirim të ngrohtë të shoqëruar me copa buke të thekur.

Notes

Përgatitja

Ju bëftë mirë!

receta-gatimi-antipaste-dasme-djath-gatime-shpejt-si-te-gatuaj-pjata

receta-gatimi-antipaste-dasme-djath-gatime-shpejt-si-te

Na ndiqni në Instagram @ArtiGatimit dhe vendosni tag #artigatimit recetat që gatuani!

Lini një Përgjigje

Your email address will not be published. Required fields are marked *


Komento nga Facebook!

Shkruani komentin tuaj - Komente