Fërgesë me speca të pjekura

536 Shares
529
0
7
Specat janë përbërës të domosdoshëm të menysë vegjetarianë. Për këtë arsye kemi zgjedhur recetën fërgesë me specka. Për ruajtjen e përbërësve të rëndësishëm specat janë më mirë të freskëta por dhe receta që ne do të përgatitim specat i ruajnë vlerat ushqimore.

Fërgesë me speca të pjekura

Course: Side Dish
Cuisine: Albanian
Keyword: gjelle
Sasia: 4 persona
Kalori: 230kcal

Përbërësit

  • 1 kg speca ngjyra të ndryshme
  • 300 gram gjizë
  • 4-5 thelpinj hudhra
  • 1 spec i kuq djegës
  • vaj ulliri
  • pak kripë
  • piper
  • majdanoz

Përgatitja

  • Pasi i lajmë specat, i fshijmë dhe i pjekim mbi pllakën e sobës ose mbi skare. Pasi piqen i vendosim menjëherë në një enë me kapak. Në ketë mënyre mund të heqim cipën me lehtësi. I lemë të ftohen dhe u heqim cipën dhe farat.
  • Më pas i presim rripa – rripa, i hedhim në një enë duke i spërkatur me kripë dhe i trazojmë.
  • Në një enë tjetër hedhim gjizën, shtojmë piperin, majdanoz, hudhrat e grira, vaj ulliri, specin e kuq dhe e trazojmë që masa të bëhet e njëtrajtësheme.
  • Masën e gjizës e shtojmë tek specat duke i bashkuar të gjithë përbërësit.
  • Masën e bashkuar e ndajmë në katër kupa balte dhe i pjekim në furrë të nxehur për 10 minuta në temperaturën 200 gradë.

Receta për speca gogozhare, speca të mbushura me gjizë.

fergese speca - tave balte

Ju bëftë mirë nga ArtiGatimit!

536 Shares
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Patate, proshutë e vezë në furrë

Patate, proshutë e vezë, të gjitha të gatuara në furrë janë një zgjidhje për drekën ose darkën nëse nuk ke shumë dëshirë të gatuash. Kjo recetë e shijshme gatuhet shpejt, mjafton ti fusësh gjithë përbërësit në furrë.

Perime në Avull

Perimet bëjnë shumë mirë për shëndetin tonë, sepse përmbajnë vitamina nga më të ndryshmet. Duhet ti konsumojmë sa më shumë gjatë vakteve. Perimet, në çfarë do lloj mënyre i gatuajmë, nuk duhen të jenë shumë të ziera sepse humbasin të gjitha vlerat ushqyese. Zierja në tenxhere me avull është mënyra më e mirë e më e shëndetshme për të gatuar perimet dhe jo vetëm. Në këtë mënyrë perimet nuk janë në kontakt me ujin dhe ruajnë të gjitha vlerat ushqyese.

Kunguj të rrumbullakët të mbushur me oriz dhe gorgonzola

Kungujt kanë vitaminë A dhe C dhe kanë pak kalori, rreth 95% e tyre është ujë. Ekzistojnë disa lloje kungujsh. Për këtë recetë kemi zgjedhur kungujt e rrumbullakët pasi janë më të përshtatshëm për mbushje. Mund ti mbushim në mënyra të ndryshme. Ne po japim një variant me oriz dhe djathë gorgonzola. Ky lloj djathi është tipik i Italisë (zona e Lombardisë dhe Piemonte). Gorgonzola është një djath i butë, kremoz që prodhohet me qumësht lope. Ka një shije të veçantë dhe të fortë. Në këtë recetë ky djath bashkohet me orizin që i jep një shije të veçantë.