Gatime Unike
Komente nga Fb - Shkruaj një koment

Kungull tave në dy versione

Përgatitja: 20 min - Pjekja: 40 min - Sasia: 4 Persona Persona

Receta për kungull tave është një mënyrë e thjeshtë për të përgatitur këtë perime. Kjo recetë gatimi është një gatim tradicional që përdorej shumë nga gjyshet tona, të cilat i ruanin kungujt në vend të errët dhe pa lagështi dhe kështu kishin kunguj për gjatë gjithë dimrit.

Përbërësit për Kungull tave në dy versione

    Versioni i kripur

  • 1 kg kungull

  • 250 ml qumësht

  • 2 kokrra vezë

  • 2 lugë gjelle miell misri

  • 4 lugë gjelle miell gruri

  • pak kripë

  • vaj ulliri

  • pak gjalpë
  • Për versionin e ëmbël

  • 150 gr sheqer

Përgatitja e kungullit tave

Kjo recetë përgatitet me kunguj të mëdhenj, jo me kungulleshka.
Në fillim ndajmë kungullin në pjesë dhe e qërojmë nga lëkura. Marrim pjesët e prera dhe i grijmë një nga një në rende. Kungullin e grirë e lënë disa minuta të pushoj nëse është i njomë.
Në një enë hedhim miellin e grurit dhe pak qumësht. E trazojmë brumin derisa të bëhet si brumi i petullave.

Kungullit të grirë i hedhim kripë (në rast se duam versionin e ëmbël, hedhim sheqer), miellin e misrit, vezët, qumështin e ngelur dhe vajin. Te gjithë masën me kungull e trazojmë mirë.

Në një tavë të lyer me vaj hedhim pak më shumë se gjysma e brumit që përgatitëm në fillim, sa të mbuloi të gjithë sipërfaqen e tavës. Sipër do të hedhim masën e kungullit duke e shpërndarë në të gjithë tavën. Sipër kungullit do të hedhim gjalpin dhe pjesën tjetër të brumit. Foto në vijim tregon kungullin në tavë përpara se ta pjekim në furrë.

Tavën e pjekim në furrë të nxehur në temperaturën 200 gradë për 35-40 minuta. Kungull tave është gati, shërbehet i ngrohtë ose sipas dëshirës.

Kungulli është shumë i dobishëm për trupin tonë. Ai përmban proteina, fibra, kalcium etj prandaj ju rekomandojmë ta konsumoni sa më shumë.

Ju bëftë mirë nga Arti gatimit

Receta Gatimi

Shkruani komentin tuaj - Komente