Si të përgatisim Mesnik të ëmbël

Recëtë e thjeshtë dhe e shpejtë si të pergatisni Mesnik të ëmbël.

Mesnik është një recetë tradicionale e fshatrave të Juglindjes. Ka shumë mënyra për ta përgatitur këtë recetë tradicionale shqiptare. Mund të përgatitet me mish, kemi mesnik me fasule por dhe versione të ëmbla.

Si të përgatisim Mesnik të ëmbël

Prep Time35 minutes
Cook Time20 minutes
Total Time55 minutes
Course: Dessert
Cuisine: Albanian
Keyword: kuzhina shqiptare
Sasia: 6 persona
Kalori: 240kcal

Video

Përbërësit

Përbërësit për brumin

  • 300 gr miell
  • 150 ml ujë
  • 2 lugë gjelle vaj ulliri
  • pak kripë

Përbërësit për mbushjen

  • 200 gr miell misri i ashpër
  • 100 gr sheqer sipas dëshirës
  • 1 litër qumësht
  • pak vanilje
  • 3 kokrra vezë
  • 2 lugë gjelle gjalpë

Përgatitja

Brumi për petët

  • Në fillim përgatitim brumin për petët. Hedhim në një enë, miellin, ujin, vajin, kripën dhe e punojmë brumin për rreth 10 minuta. E mbledhim brumin me një qeskë kuzhine dhe e lemë të pushojë për 20 – 30 minuta.

Mbushja për mesnik

  • Ndërkohë përgatitim mbushjen për mesnik. Hedhim qumështin në një tenxhere dhe e vendosim në zjarr. Pasi të ngrohet qumështi hedhim sheqerin, dy lugë gjalpë dhe miellin e misrit, duke e trazuar që të mos na ngjitet.
  • Vazhdojmë e trazojmë në zjarr të ngadalshëm derisa masa të ziejë dhe të trashet. Rrahim vezët në një enë. Qumështin e heqim nga zjarri, e lemë të ftohet pak dhe e hedhim tek vezët. I përziejmë mirë.
  • Fillojmë dhe hapim petët. Petët do të hapen pak më të mëdha se masa e tavës në mënyrë që të qëndrojnë të varura në anët e tavës. I shtrojmë petët në tavë duke i spërkatur me gjalpë ose vaj ulliri sipas dëshirës.
  • Hedhim mbushjen e ftohur dhe mblidhen petët anash me rrudha duke e lënë mesin të hapur.
  • Sipër e spërkatim pak me gjalpë dhe me anë të një furçe e lyejmë sipërfaqen me të verdhë veze të rrahur me qumësht.
  • Tavën me mesnik e futim në furrë të nxehur më parë në temperaturën 200 gradë për 20 minuta. Tavën me mesnik e nxjerrim nga furra dhe e lëmë të ftohet.
  • Mesnik i ëmbël është gati për tu servirur.

Ju rekomandojmë:
Ballakume Elbasani
Kadaif
Receta për Krepa

Ju bëftë mirë nga Artigatimit.com

1 Shares
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Byrek i mbushur në formë lule

Receta e këtij byreku na ka ardhur nga një lexuese e rregullt e faqes tonë, Edona të cilën e falenderojmë. është me të vërtetë një byrek jo vetëm i shijshëm por edhe i bukur në pamje. Mund ta shërbejmë mbasdite për fëmijët ose për një aperitiv me miqtë. Jam e sigurt që të gjithë do të ngelen të kënaqur nga ky byrek. Në këtë rast ne e kemi mbushur me djathë e gjizë, por gjithsecili mund ta mbush sipas dëshirës e fantazisë.

Pulë me Kunguj e Rukola

Kjo është një mënyrë e veçantë për të gatuar pulën, më saktësisht mishin e bardhë të pulës (pjesën e kraharorit). Një pjatë e thjeshtë për tu përgatitur, dhe e shpejtë sepse mishi i bardhë piqet shumë shpejt. Mishin e shoqërojmë me kunguj dhe sallate rukola.

Petulla me banane

Petullat te përgatitura me banane janë shumë të shijshme dhe pëlqehen si nga fëmijët, ashtu dhe të rriturit. Kjo recetë është shumë e thjeshtë dhe dua të them që në familjen time këto petulla gatuhen shpesh.