Kjo është një pjatë e shijshme, delikate dhe e lehtë për tu përgatitur. Mund të jetë edhe një alternativ si pjatë e dytë për personat vegjetarianë sepse nuk përmban mish.
Rolè me vezë dhe spinaq
Përbërësit
Përbërësit për omëletën
- 6 vezë
- 1 lugë djath parmixhan i grirë
- pak kripë
- pak majdanoz i grirë
Përbërësit për mbushjen
- 1 kg spinaq i freskët
- 2 lugë gjizë pa kripë rikota
- 1 lugë djath parmixhan
- 1 mocarela
Përgatitja
- Fillojmë me përgatitjen e omëletës, thyejmë vezët në një enë, i rrahim me një pirun, më pas shtojmë të gjithë elementët e tjerë, kripën, parmixhanin dhe majdanozin. I rrahim bashkë.
- Marrim një tepsi drejtkëndëshe, të madhe, i shtrojmë një letër furre dhe mbi të hedhim masën e përgatitur. Tava duhet të jetë e madhe për arsye që omleta s'duhet të jetë e trashë. E fusim ne furrë 200° C për 15-20 minuta. Pasi e heqim nga furra e lëmë të ftohet për disa minuta.
- Ndërkohë, përgatisim spinaqin. Pasi e kemi larë mirë, e hedhim në një tenxhere me gjysmë gote ujë dhe pak kripë dhe e lëmë te ziejë. Më pas e kullojmë dhe e hedhim në një enë ku shtojmë gjizën dhe parmixhanin.
- Marrim tavën me omëletë, sipër i shtrojmë spinaqin e përgatitur dhe sipër spinaqit shtojmë mocarelën e prerë në copa të vogla. Me ndihmën e letrës së furrës, mbyllim me kujdes rolenë, e mbyllim dhe anash me kujdes duke i dhënë formën e një 'karameleje'. E fusim ne furrë për 15 minuta.
- Më pas e heqim nga furra, e lëmë disa minuta të ftohet e pastaj i heqim letrën e furrës, e presim ne feta dhe e shërbejmë të ngrohtë.
Notes
Ju bëftë mirë!
8 comments
Nëse doni të luftoni obezitetin perdoreni këtë recetë. Mua më pelqen shumë kjo recetë. Provojeni edhe ju!
a duhet me folio ta pjekim ne fund?
Po ne fund pasi e kemi mbledhur me leter furri e pjekim perreth 15 minuta ne furre.
Kjo eshte nje nga recetat e mia te preferuara,shume e mire.
Ju befte mire!!!!!
do ta gatuaj ,ta provoj si del
Provoje e na shkruaj!
Gatim te mbare!
e kam provuar vete e mire