Imam Bajalldi – Patëllxhanë mbushur

Nerti
  • 19/04/2020
Imam bajalldi është pjata verore më e shijshme. Ka shumë versione të recetës për Imam Bayildi, varet nga zonat e vendit tonë. Por ajo që është e rëndësishme se kjo pjatë është e lehtë për tu përgatitur dhe shumë e mirë. Ju rekomandojmë të përdorni produkte të freskët dhe të vendit.

Imam Bajalldi – Patëllxhanë mbushur

Prep Time20 minutes
Cook Time30 minutes
Total Time50 minutes
Course: Main Course
Cuisine: Albanian
Keyword: gjelle
Sasia: 4 persona
Kalori: 230kcal

Përbërësit

  • 500 gr patëllxhan të gjatë të hollë
  • 300 qepë të arta
  • 300 gr domate të pjekura mirë
  • 1 lugë gjelle salcë domatesh të koncentruar
  • 4 thelpinj hudhër
  • 1 spec jeshil
  • 1 spec i kuq
  • 1 spec djegës sipas dëshirës
  • piper i zi
  • 1 tufë majdanoz
  • 1 tufë kopër
  • gjethe dafine
  • lëng limoni
  • vaj ulliri
  • kripë

Përgatitja

  • Për recetën imam bajalldi, pastrojmë e lajmë mirë të gjitha perimet. Patëllxhanët duhet të jenë të gjatë dhe të hollë. Bëjmë një prerje për së gjati dhe i heqim një pjesë të tulit. Pjesët e tepruara i lëmë mënjanë. Patëllxhanët qe kemi prerë i hedhim në një enë me ujë dhe lëng limoni.
  • Patëllxhanët i vendosim në zjarr, hedhim pak kripë dhe i lemë të marrin valë vetëm 2 minuta. Patëllxhanët i nxjerrim dhe i kullojmë.
  • Në një tigan me vaj ulliri kaurdisim pak qepët e grira hollë në formë gjysmërrethi ose kubike sipas dëshirës. Shtojmë specat të pastruara nga farat së bashku me pjesën e patëllxhanëve që hoqëm dhe hudhrat. Më pas hedhim domatet dhe më pas salcën.
  • Shtojmë piperin e grirë ose shtypur, gjethet e majdanozit dhe kopër si dhe ndonjë gjethe dafine. Rregullojmë kripën dhe mbushja e imam bajalldi është gati.
  • Radhitim patëllxhanët në tavë dhe i mbushim me kujdes me harxhën e përgatitur. Masën që ngelet e shpërndajmë në tavë midis patëllxhanëve. Shtojmë një gotë ujë të nxehtë nga ai i patëllxhanëve.
  • Tavën e pjekim në furrë të nxehur me 200 gradë për 30 minuta. Gjella duhet të dali me yndyrën e vet.
  • Hedhim imam bajalldi në pjatë dhe shtojmë pak nga harxha. Nëse ju pëlqejnë recetat tona, shpërndaje në rrjetet sociale si Facebook apo Instagram.

Ju rekomandojmë recetat për:
Flija – Recete Kosovare
Tave Kosi

Ju bëftë mirë!

In this article:
,,
1 Shares
WhatsApp 0
Facebook 0
Facebook Messenger 0
Twitter 0
Pinterest 1
Mail 0
Post written by:
E pasionuar pas kuzhines shqiptare dhe asaj te huaj, sjell për ju përmbledhje me receta gatimi.
Follow
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Sallatë Quinoa me perime në grill

Sallatë quinoa me prime është një pjatë e freskët dhe plot vlera ushqimore, një variant i sallatës me oriz apo përgatitjes së cous-cous me prime. Quinoa shqiptohet kinoa dhe pse nga forma mund të ngjajë si një drithër, ajo futet ne familjen e barishteve. Quinoa është e pasur me proteina e nuk përmban gluten dhe ka një shije delikate.
0 Shares
0
0
0

Tavë me bathë e kumbulla

Batha, kjo bimë bishtajore është e përbërë pothuajse e gjitha nga ujë dhe në pjesë të vogla nga karbohidrate, proteina e fibra. është e pasur me kripëra minerale e vitamine të grupit B. Midis të gjitha bishtajoreve të tjera, bathët janë të vetmet që kanë më pak kalori. Receta që ne sjellim është e thjeshtë dhe me një shije të veçantë sepse është ndërthur ëmbëlsia e kokrrave të bathës së freskët me thartësinë e kumbullës.
0 Shares
0
0
0

Krepa Integral – Pallaqinka

Në këtë video recete gatimi mund të ndiqni përgatitjen e Krepa Integral. Një recetë me origjinë franceze por shumë e njohur në kuzhinën shqiptare. Krepat, këto flet të holla brumi, mund të konsumohen të ëmbla mjaltë, kanellë apo krem bajame apo dhe te kripura lloje proshute,djathë dhe perime.
0 Shares
0
0
0

Byrek me patate

Byrek me patate është një recetë tradicionale shqiptare dhe ka një shije të pasur edhe të veçantë. Mund të shërbehet si pjatë unike ne festa ose piknik, absolutisht për tu provuar.
0 Shares
0
0
0

Byrek i mbushur në formë lule

Receta e këtij byreku na ka ardhur nga një lexuese e rregullt e faqes tonë, Edona të cilën e falenderojmë. është me të vërtetë një byrek jo vetëm i shijshëm por edhe i bukur në pamje. Mund ta shërbejmë mbasdite për fëmijët ose për një aperitiv me miqtë. Jam e sigurt që të gjithë do të ngelen të kënaqur nga ky byrek. Në këtë rast ne e kemi mbushur me djathë e gjizë, por gjithsecili mund ta mbush sipas dëshirës e fantazisë.
0 Shares
0
0
0