Si te përgatisim domate dhe speca të mbushura

Recetat e përgatitjeve të perimeve janë të ndryshme, por sot kemi zgjedhur si te përgatisim domate dhe speca të mbushura. Sidomos tani në periudhën e verës kjo recetë mund të shërbehet edhe si një pjatë e ftohtë.

Si te përgatisim domate dhe speca të mbushura

Prep Time20 minutes
Cook Time30 minutes
Total Time50 minutes
Course: Appetizer
Cuisine: Albanian
Keyword: gjelle
Sasia: 6 persona
Kalori: 170kcal

Përbërësit

  • 6 domate të pjekura
  • 8 speca
  • 300 gr oriz
  • 600 ml ujë
  • 100 gr mish i grirë
  • 2 qepë
  • 2 thelpinj hudhre
  • kopër
  • majdanoz
  • kripë
  • piper
  • vaj ulliri

Përgatitja

  • Domatet duhen të jenë të pjekura mirë dhe specat me tul ose te llojit katrore.
  • Domatet dhe specat i lajmë ne ujë të rrjedhshëm dhe i fshijmë. U presim grykën në formë rrethore domateve dhe specave të cilat do i përdorim më vonë si kapak.
  • Specave i pastrojmë nga farat. Domatet i gërryejmë nga brenda me majë të thikës duke hequr pjesën e mesit të tulit.
  • I radhitim domatet dhe specat në një tavë të lyer me vaj ulliri.
  • Në një tigan kaurdisim qepën e grirë hollë, dy speca të kuqe të prera në formë rrethore dhe mishin e grirë. I lemë për pak kohë duke i kaurdisur. Hedhim pjesën e tulit të domateve që hoqëm dhe dy domate të grira kubik. I kaurdisim së bashku për disa minuta.
  • Më pas në tigan shtojmë edhe orizin dhe e rregullojmë me kripë, piper, erëza dhe e trazojmë dhe heqim tiganin nga zjarri.
  • I mbushim përgjysmë domatet dhe specat me mbushjen e përgatitur.
  • Pjesën tjetër të mbushjes e hapim në tavë. Me kapakët që hoqëm më lartë, mbulojmë domatet dhe specat.
  • Nxehim masën e ujit në tigan dhe e hedhim sipër tavës.
  • Tavën e futim në furrë të nxehur në temperaturën 200 gradë dhe e lemë të piqet për 30 minuta.
  • Fikim sobën dhe e lemë tavën me domate dhe speca të mbushura në furrë edhe për dhjetë minuta të tjera.
  • Tava me me domate dhe speca të mbushura është gati për tu servirur.

Receta për tave me kallamar

Ju bëftë mirë nga Artigatimit.com!

1 Shares
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Pastiçe me djathë

Pastiçja është një pjatë shumë e shijshme dhe që pëlqehet si nga të vegjëlit dhe të mëdhenjtë. Kjo pjatë shërbehet si pjatë e vetme sepse në të kemi si vezë edhe djathin.

Bollgur me perime

Bollgur me perime është një recetë e thjeshtë dhe e shpejtë kur nuk kemi kohë për të gatuar. Zgjedhja e perimeve mund të jetë sipas dëshirës, mjaftojnë të jenë të freskëta dhe bio.

Pulë me oriz në tavë

Gatimet me mish pule janë të shumëllojshme. Pulë me oriz në tavë është një recetë e shijshme dhe ruan gjithë vlerat ushqimore. Përgatiteni kur të keni të ftuar, do të ngelen të kënaqur.

Oriz i kuq me karkaleca deti

Sot vendosëm të propozojmë një recetë të lehtë në kalori, oriz i kuq me karkaleca deti. Orizi i kuq ka një shije te veçante, disi të ëmbël dhe mban pak aromë lajthi, përmban shumë proteina, hekur dhe është i pasur me fibra.