Tavë me kallamar mbushur

Në fillim pastrojmë kallamarët duke e ndarë më vete pjesën e trupit nga koka. Heqim të brendshmet dhe sytë. I lajmë mirë në ujë të rrjedhshëm. Pjesën cilindrike e vendosim në një pjatë të kullojë dhe këmbët i presim në copa të vogla dhe i kaurdisim se bashku me farat e pishës dhe me pak vajë ulliri e 3 lugë me verë të bardhe për rreth 5-6 minuta.

Grijmë qepën hollë, e kaurdisim pak me vaj ulliri dhe e kaurdisim derisa qepa të marri një zverdhje te lehtë. Më pas hedhim domatet e prera kubik.

I kaurdisim derisa domatja të mpikset dhe hedhim gjysmën e ujit me qëllim që masa të marri gjysmë zierje. Pasi e shohim që mbushja e ka thithur ujin e rregullojmë me kripë dhe piper dhe e heqim tiganin nga zjarri.

Marrim kallamarët një e nga një dhe hedhim ne brendësi nga mbushjet që përgatitem deri në gjysmë me anë të një luge duke i qepur me kunja druri (kunja dhëmbësh). I rreshtojmë kallamar mbushur në tavën të lyer me vaj ulliri.

Në një tigan kaurdisim një lugë salcë, pak kripë dhe hedhim pjesën tjetër të ujit. Pasi të vlojë ujë ja hedhim tavës me kallamar.

E futim tavën me kallamar mbushur në furrë të nxehur më parë në temperaturën 220 gradë dhe e lemë për rreth 20-25 minuta.

E nxjerrim tavën me kallamar mbushur nga furra dhe është gati për tu servirur.