Merluci është një peshk shumë i shijshëm dhe i pasur me shumë vitamina. Këtë peshk mund ta gatuajmë në disa mënyra. Në recetën e sotme kemi sjellë merlucin të gatuar me domate të vogla e ullinj. Një recetë e thjeshtë që mund ta gatuajnë edhe ata që janë në armët e para me gatimin.
Filetë merluci me domate
Përbërësit
Përbërësit për 3-4 persona
- 4 fileta merluci
- 20-25 domate të vogla
- 10 kokrra ullinj pa bërthamë
- pak majdanoz të grirë hollë
- pak rigon
- 3-4 lugë gjelle vaj ulliri
- 1-2 thelpinj hudhre
Përgatitja
- Nëse përdorim merlucin e ngrirë e jo të freskët duhet ta lemë të shkrijë derisa të jetë gati për gatim.
- Hedhim vajin e ullirit në një tigan dhe hudhrën. E lemë me zjarr të ulët për disa minuta. Më pas shtojmë merlucin.
- Lajmë domatet e vogla dhe i ndajmë përgjysmë. Presim dhe ullinjtë përgjysmë.
- Shtojmë në tigan domatet e prera dhe ullinjtë. Hedhim pak kripë dhe mbulojmë tiganin me kapak. Lemë të piqet përreth 10-15 minuta.
- Më pas i hedhim sipër pak rigon.
- Hedhim në pjata merlucin dhe e shërbejmë të spërkatur sipër me majdanoz të grirë.
Notes
Përgatitja
Ju bëftë mirë!
