Tavë kosi (tavë Elbasani)

Tavë kosi (tavë Elbasani) është një nga gjellët më karakteristike shqiptare. Ajo përgatitet me mish qengji ose dashi, vezë e kos e pak oriz. Mund të gatuhet edhe pa oriz, por ne në këtë recetë e kemi përdorur pak oriz.

Tava e kosit do të ishte ideale nëse do të piqej në furrë druri.

Tavë kosi (tavë Elbasani)

Prep Time30 mins
Cook Time40 mins
Total Time1 hr 10 mins
Course: Main Course
Cuisine: Albanian
Keyword: kuzhina shqiptare
Sasia: 6 persona
Kalori: 230kcal

Video

Përbërësit

  • 700 gr mish qengji
  • 50 gr gjalpë
  • 3 kokrra vezë
  • 1200 ml kos i bardhë
  • 2-3 lugë gjelle miell
  • 1-2 lugë gjelle oriz
  • pak kripë
  • pak piper

Përgatitja

  • Zakonisht tavë kosi përgatitet me mish qengji por mund ta përgatisim edhe me mish dashi. Nëse e përgatisim me këtë të fundit, duhet ta vendosim më parë të ziejë në një tenxhere me ujë. E më pas vazhdojmë përgatitjen si më poshtë, si me mish qengji.
  • Marrim mishin e qengjit dhe e sistemojmë në tavë. E lyejmë sipër me gjalpë dhe e vendosim në furrë që të piqet. E lemë të piqet derisa mishi të marrë një ngjyrë të bukur si në të kuqërremtë, ( shtojmë pak ujë nëse e shohim që mishi po thahet shumë dhe e lemë të skuqet). Në këtë moment e heqim nga furra.
  • Ndërkohë në një tenxhere hedhim gjalpin e mbetur dhe pak miell. I kaurdisim mirë së bashku derisa mielli të zverdhet. Duhet të kemi kujdes që ta trazojmë gjithmonë në mënyrë që të mos djegim miellin.
  • Kur mielli të jetë zverdhur shtojmë me kujdes lëngun e mishit të holluar me pak ujë( e kullojmë me kujdes që të mos digjemi lëngun e mishit nga tava që tia shtojmë miellit). E trazojmë mirë që të mos krijohen kokrriza me miell. E vendosim të ziejë duke e trazuar gjithmonë dhe kur salca të jetë trashur e heqim nga zjarri. E lemë të ftohet pak.
  • Në një enë qelqi të madhe hedhim vezët, i rrahim pak, shtojmë pak kripë, pak piper dhe kosin. I trazojmë mirë bashkë. Më pas shtojmë edhe salcën e miellit. I përziejmë bashkë.
  • Në tavën që kishim mishin shtojmë pak oriz, sistemojmë mirë mishin sipër orizit dhe shtojmë gjithë masën e përgatitur. (Mund ti shtojmë sipër disa copa gjalpi nëse dëshirojmë).
  • Vendosim tavën kosit të piqet në furrë të nxehtë 220°C përreth 20-30 minuta ose derisa të shohim që tava sipër ka krijuar një ngjyrë të bukur të artë.
  • Nxjerrim tavë kosi nga furra dhe e shërbejmë gjellën të ngrohtë të shoqëruar ne feta buke të thekur.

Receta tavë kosi me mish viçi

Ju bëftë mirë nga ArtiGatimit!

775 Shares
9 comments
    1. Pershendetje Blerta, kjo lloj tave mund te behet dhe me lloj tjeter mishi. Por kur ta zini mishin, qe te behet me i shijshem mudeni ta kaverdisni mishin me perime s.p. Karota, presh, qep & gjethe dafine pak vere te kuqe ose te bardhe dhe pastaj ti hidhni uje te ftohet, mbase te valoj eshte mir te zihet me Temperatur te mesme.

Lini një Përgjigje

Adresa juaj email s’do të bëhet publike.

Recipe Rating




You May Also Like

Tavë me plëndës – Kuzhina shqiptare

Kuzhina shqiptare ka evoluar brez pas brezi duke u pasuruar dhe përmirësuar, mirëpo për sa u përket gjellrave tradicionale sikur kemi pak nostalgji. E tillë është edhe kjo tavë që do të paraqesim në këtë recetë. Një këshillë për amvisat e reja që duhet t'i gatuajnë e të mos i harrojnë recetat tradicionale.

Pjatancë me mish në zgarë e sallatë rukola

Kjo është një pjatë shumë e thjeshtë, ku përbërësi kryesor është mishi i viçit. Duhet të jetë mish i zgjedhur, një filetë me trashësi 4-5 cm dhe duhet ta pjekim në zgarë jo më shumë se 5-6 minuta për anë. I vënë mbi një shtresë sallate rukola, dhe sipër pak parmixhan, është me të vërtetë një pjatë që shijohet në cdo stinë.

Pulë e mbushur me fasule

Pula e mbushur me fasule e sallam pikant është një pjatë e dytë që ia vlen të gatuhet e të shijohet. Shija e kësaj pjate është e veçantë pasi ndërthuret pikantja e sallamit me atë majhoshe të limonit. Përgatitja e pjatës është shumë e thjeshtë.

Mish qengji në furrë me anginare

Mishi i qengjit mund të gatuhet në shumë mënyra. Ne këmi sjellë një recetë ndryshe, e kemi shoqëruar këtë mish që ka një shije të fortë me angjinare të cilat e thyejnë këtë shije. Po kështu, gjithmonë për ti hequr mishit këtë aromë të fortë, përpara se ta përgatisim, e vendosim të marinohet me verë dhe erëza të ndryshme.