Në këtë video recete gatimi mund të ndiqni përgatitjen e Krepa Integral. Një recetë me origjinë franceze por shumë e njohur në kuzhinen shqiptare. Krepat, këto flet të holla brumi, mund të konsumohen të ëmbla mjaltë, kanellë apo krem bajame apo dhe te kripura lloje proshute,djathë dhe perime.
Si të gatuajmë krepa në mënyrë të thjeshtë për të gjithë.
Krepa Integral – Pallaqinka
Sasia: 15 krepa
Kalori: 230kcal
Video
Përbërësit
- 500 ml qumësht
- 250 gr miell gjysmë integral
- 50 gr gjalpë
- 2/3 kokrra vezë
- pak kripë
Përgatitja
- Për të përgatitur krepa në një enë qelqi ose porcelani rrahim vezët. Me pas shtojmë me ngadalë qumështin duke e trazuar vazhdimisht.
- Në hapim tjetër hedhim miellin pjesë pjesë që e kemi trazuar më parë me pak kripë. Duhet ta trazojmë vazhdimisht derisa të përfundojmë miellin. Nëse përbërja është shumë e trashë, mjafton të shtojmë pak qumësht.
- Sipas dëshirës masën e krijuar për krepa mund ta lëmë të pushoj për disa çaste.
- Shkrijmë gjalpin në banjëmaria ose në mikrovalë dhe e bashkojmë te masa e përgatitur, ( duhet të kemi kujdes që gjalpi të mos jetë i nxehtë). Trazojmë mirë të gjithë përbërësit derisa të arrijmë një masë të lëngshme e homogjene.
- Pasi kemi nxehur enën për krepa ose tiganin, hedhim një masë në të dhe e përhapim në të gjithë sipërfaqen. E lëmë disa çaste që të piqet dhe më pas e kthejmë dhe nga ana tjetër.
- Krepa integral të pjekur, mund ti vendosim në një pjatë.
- Pasi kemi mbaruar të gjithë përbërjen, mund ti mbushim krepat me përbërësit e dëshiruar dhe janë gati për tu servirur.
Receta me Krepa qe ju rekomandojmë
Krepa me Nutella
Krepa Shqip – Pallaqinka
Crepes with Nutella
