Ne kemi sjellë versionin me çokollatë, por ju mund ta përgatisni edhe me vanilje duke hequr kakaon e duke shtuar miellin në vend të saj.
Torta magjike me çokollatë
Sasia: 0
Përbërësit
- 70 gr miell
- 50 gr kakao pluhur
- 150 gr sheqer
- 130 gr gjalpë
- 500 ml qumësht
- 4 vezë
- 1 lugë gjelle ujë të ftohtë
- 1 lugë kafeje lëng limoni
- pak kripë
Përgatitja
- Si fillim shkrijmë gjalpin dhe e lemë të ftohet.
- Ndërkohë marrim vezët (të cilat duhet të jenë në temperaturë ambienti), dhe ndajmë veç të verdhat nga të bardhat.
- Të verdhat e vezëve i hedhim në një enë së bashku me sheqerin.
- Fillojmë ti rrahim fort me frusta elektrike përreth 10 minuta, derisa të arrijmë një masë si shkumë.
- Duke vazhduar ti rrahim, shtojmë një lugë ujë të ftohtë.
- I trazojmë mirë dhe shtojmë pak kripë dhe gjalpin e shkrirë tashmë të ftohur. I përziejmë për disa minuta.
- Ndërkohë bashkojmë miellin me kakaon pluhur dhe e sitim. Shtojmë përbërjen në masën e përgatitur me vezë.
- Vazhdojmë ta trazojmë mirë që të mos krijohen kokrriza nga mielli.
- Ngrohim qumështin dhe e shtojmë shumë ngadalë në masën e përgatitur. I trazojmë mirë derisa të përzihen mirë të gjithë përbërësit dhe të mos ketë kokrriza. Të bardhat e vezëve që i kemi hedhur në një enë qelqi, fillojmë ti rrahim me rrahësin elektrik. Shtojmë në të edhe pak lëng limoni dhe vazhdojmë ti rrahim derisa të bëhen si shkumë e bardhë.
- Bashkojmë të bardhat e vezëve me masën e përgatitur më parë. Duhet të kemi shumë kujdes kur ti trazojmë. Duhet ti përziejmë nga poshtë lart, me ngadalë. Do të kemi një përbërje të lëngshme.
- Marrim një tavë katrore me përmasa 20x20cm dhe e mbulojmë me letër furri. Hedhim në të masën e përgatitur.
- Vendosim tavën ne furrë të nxehtë 150C përreth 80 minuta, derisa sipërfaqja e tortës të marrë një ngjyrë të bukur të artë.
- Pasi është pjekur, lemë të ftohet torta dhe më pas e fusim në frigorifer. E lemë përreth 2 orë në të e më pas e nxjerrim nga frigoriferi. E heqim me kujdes nga tava dhe e presim në katrorë ose rombe të vegjël.
- Vendosim në pjata dhe e servirim.
Notes
Përgatitja e Tortës
Ju bëftë mirë nga ArtiGatimit!
5 comments
per mua kakaon munde ta hedhesh dhe ne funde ne perzjerjen e fundit dhe munde te heqesh pak nga masa dhe me pase shton kakaon
A bon ne vend te gjalpit me qit vaj edhe pa i qit leng lemoni?
Jo.
e mbrekullueshme. un per vete do ta provoj