Luleshtrydhe e çokollatë është një binom perfekt. Kjo është një ëmbëlsirë që do ti pëlqejë jo vetëm fëmijëve tuaj, por gjithë familjes.
Petë me luleshtrydhe e çokollatë
Sasia: 0
Përbërësit
- 1 Pasta Sfoglia">petë sfoglia(kliko këtu për të parë recetën)
- 600 gr luleshtrydhe
- 200 gr kos luleshtrydhe
- 3-4 lugë sheqer kallami
- 150 gr çokollatë
- 1 vezë
- pak kanellë
Përgatitja
- Si fillim pastrojmë e lajmë mirë e me kujdes luleshtrydhet.
- Në një enë hedhim kosin e luleshtrydhes, vezën dhe sheqerin.
- I trazojmë mirë e më pas shtojmë 300 gr luleshtrydhe të prera në copa të vogla. I trazojmë me kujdes. Më pas shtojmë 100 gr çokollatë të copëtuar dhe pak kanellë. I përziejmë me kujdes.
- Marrim petën e përgatitur më parë (Kliko këtu për përgatitjen). Vendosim petën në një tavë me letër furre. Me një pirua i bëjmë disa vryma petës, e më pas hedhim mbi të masën e përgatitur. E sheshojmë mirë me lugë.
- Vendosim tavën të piqet në furrë të nxehtë 180°C përreth 30 minuta.
- Më pas e lemë të ftohet.
- Ndërkohë shkrijmë çokollatën që mbeti në banjëmaria. Pasi torta është ftohur e zbukurojmë me luleshtrydhe të prera dhe çokollatë të shkrirë sipër. Shërbejmë ëmbëlsirën menjëherë.
Ju bëftë mirë nga ArtiGatimit!
