Kondrafiletë viçi përgatitur thjeshte dhe me disa perime të ziera si garniturë. Mishi duhet të jetë në cilësinë e mishit të rritur në kullota të pastra jo vetëm sepse është shumë e shijshme por sepse ruan edhe shijen, edhe vlerat ushqyese.
Kondrafiletë viçi për dy persona përgatitur në mënyrë fare të thjeshtë.
Kondrafiletë viçi me pure dhe perime të ziera
Sasia: 2 persona
Kalori: 340kcal
Përbërësit
- 2 kondrafileta viçi
- 2 karota
- 2 kokrra patate
- 2 panxhar
- 1 degë selino
- pak kripë
- pak piper
- vaj ulliri
- 100 ml verë e kuqe
- 100 ml qumësht
- pak gjalpë
Përgatitja
- Puna e parë është marinimi i mishit me piper të grirë dhe vaj ulliri. Më pas lajmë perimet dhe i vëmë për të zier me gjithë lëkurë në ujë e kripë. Panxharin e ziejmë në enë më vete për arsye të ngjyrës.
- Në një tigan me vaj të ngrohur hedhim kondrafiletot për ti skuqur dhe selinon. Pasi të kenë marrë ngjyrë nga të dyja anët, i hedhim kripë dhe e shuajmë me verë të kuqe.
- Pas 2-3 minutash i hedhim pak lëng mishi ose ujë. Pasi ka marrë valë e mbulojmë me kapak dhe e futim në furrë të para ngrohur në 200° për 10 minuta.
- Sa të piqet mishi përgatisim purenë. Zarzavatet e ziera i grijmë me një grirëse veç e veç. Pataten e përziejmë në një mikser elektrik me qumësht dhe i hedhim pak gjalpë të shkrirë.
- Panxharin dhe karotën i përziejmë me vaj ulliri dhe piper. Servirim pjatën duke vendosur Kondrafiletë viçi me salcën e vet dhe perimet e përgatitura. Sipër mund ti hedhim pak majdanoz sipas dëshirës.
Lexoni gjithashtu recetat për mish viçi turli ose rosto me mish viçi
Ju bëftë mirë nga ArtiGatimit.com
Na ndiqni në Instagram @ArtiGatimit dhe vendosni tag #artigatimit recetat që gatuani!
Komento nga Facebook!