Pulë në tavë me petë – Receta tradicionale

Pulë në tavë me petë është një recetë e vjetër dhe shumë e pëlqyeshme e cila është përdorur shumë nga amvisat shqiptare. Tradita e kësaj recete është pjekja në saç, por megjithatë ajo mund të përgatitet edhe në furrë.

Pulë në tavë me petë – Receta tradicionale

Prep Time20 minutes
Cook Time40 minutes
Total Time1 hour
Course: Main Course
Cuisine: Albanian
Keyword: kuzhina shqiptare
Sasia: 4 persona
Kalori: 240kcal

Përbërësit

  • 1 pulë mesatare
  • 600 gram miell
  • 400 mL ujë të vakët
  • 2 kokrra qepë
  • 100 gram gjalpë
  • pak niseshte
  • 10 gr kripë
  • vaj ulliri
  • piper

Përgatitja

Në fillim përgatitim brumin për petët.

  • Në një enë hedhim miellin, e hapim në mes, hedhim një lugë vaj ulliri, pak kripë dhe ujin e vakët. E përziejmë mirë për 5-6 minuta dhe e mbulojmë me një qeskë kuzhine. E lemë të pushojë për 30 minuta.
  • Në një enë kaurdisim qepën e grire hollë, derisa të skuqen pak.
  • Më pas hedhim mishin duke e kaurdisur për 5-6 minuta te tjera se bashku me qepen.
  • I hedhim pak piper dhe spec sipas dëshirës. Shtojmë ujë dhe e lemë për disa minuta të tjera.
  • Ndërkohë ndajmë brumin në 10 -12 toptha të vegjël. Petët i hapim me okllai (pec) duke i spërkatur sipër me niseshte. Petët i pjekim një e nga një në furrë, sa të zverdhen pak, në temperaturë maksimale.
  • Marrim një tavë, e lyejmë me gjalpë dhe i hedhim pak lëng mishi.
  • Vendosim petën e parë dhe e spërkatim me lëngun e mishit.
  • Kështu vazhdojmë derisa të vendosim 5-6 pete.
  • Petët e sipërme i copëtojmë dhe i vendosim sipër petëve të tjera duke vazhduar spërkatjen me gjalpë dhe lëng mishi.
  • Mbi petët vendosim thelat e pulës. Duhet patur parasysh që të gjitha petët të lagen me lëngun e mishit.
  • E pjekim në furrë të nxehur më parë për 15 – 20 minuta në temperaturën 200 gradë.
  • Receta pule ne tave me pete është gati. Mund ta shërbejmë me sallat mikse ose barbunja.

Ju bëftë mirë nga Arti Gatimit

Çfarë do të ndryshonit tek kjo recetë? Na shkruani ne komente!

2 Shares
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Role viçi e mbushur

Mishi i viçit i bërë role dhe i mbushur me feta proshute, djathë e salçiçe është pa dyshim një pjatë e pasur dhe e shijshme. është ideale për një darkë me miqtë të cilët padyshim do të ngelen të kënaqur nga shija e këtij gatimi.

Gjel deti i pjekur

Gjeli i detit është një karakteristikë e darkës së funvitit në Shqipëri. Nuk mund ta mendojmë tryezën pa patur në mes të saj mishin e pjekur të gjelit të detit. Ne e kemi pjekur shumë thjesht, veç me kripë e gjalpë, pa shtuar erëza të tjera, por nëse dëshironi mund ti shtoni piper ose ta mbushni me arra.

Pulë e mbushur me fasule

Pula e mbushur me fasule e sallam pikant është një pjatë e dytë që ia vlen të gatuhet e të shijohet. Shija e kësaj pjate është e veçantë pasi ndërthuret pikantja e sallamit me atë majhoshe të limonit. Përgatitja e pjatës është shumë e thjeshtë.

Tavë me plëndës – Kuzhina shqiptare

Kuzhina shqiptare ka evoluar brez pas brezi duke u pasuruar dhe përmirësuar, mirëpo për sa u përket gjellrave tradicionale sikur kemi pak nostalgji. E tillë është edhe kjo tavë që do të paraqesim në këtë recetë. Një këshillë për amvisat e reja që duhet t'i gatuajnë e të mos i harrojnë recetat tradicionale.

Pjatancë me mish në zgarë e sallatë rukola

Kjo është një pjatë shumë e thjeshtë, ku përbërësi kryesor është mishi i viçit. Duhet të jetë mish i zgjedhur, një filetë me trashësi 4-5 cm dhe duhet ta pjekim në zgarë jo më shumë se 5-6 minuta për anë. I vënë mbi një shtresë sallate rukola, dhe sipër pak parmixhan, është me të vërtetë një pjatë që shijohet në cdo stinë.