Si fillim thajmë mirë mishin e pulës dhe dy gjysmat e gjoksit i ndajmë duke eliminuar kërcin apo kockat e kraharorit. Më pas çdo anë e presin në mes. Sipas dëshirës mund ti prisni edhe me të holla duke nxjerrë tre fileto pule.

Në një enë hedhim pak vaj ulliri dhe lëng limoni. Me ndihmën e degës së rozmarinës, lyejmë filetat e pulës në të dyja anët. Nëse duam më shumë aromë, mishin mund ta lëmë për një kohë të gjatë të marinuar. Shtojmë kripë sipër çdo fileto pule.

Ndezim skarën ose grillin dhe pasi ka arritur temperaturë të lart, vendosim filetat e pulës të piqen. I kthejmë në të dyja anët. Jo më shumë se 10 minuta, fileto pulës është gati.

Shërbejmë duke shtuar sipër mishit të pulës vaj ulliri dhe piper. Kjo pjatë këshillohet të shoqërohet me një gotë verë të bardhë.