Pule në tavë me Speca Gogozhare

Pula ne tave e gatuar me speca gogozhare është një pjatë shumë e shijshme. Shija majhoshe e speckave gogozhare i jep mishit të pulës një aromë e shije të veçantë. Kjo pjatë është ideale për drekat me miqtë pasi mund ta përgatisim më përpara.

Pule në tavë me Speca Gogozhare

Prep Time15 minutes
Cook Time30 minutes
Total Time45 minutes
Course: Main Course
Cuisine: Albanian
Keyword: gjelle
Sasia: 4 persona
Kalori: 250kcal

Video

Përbërësit

  • 1 pulë
  • 500 gr speca gogozhare
  • 1 kokërr vezë
  • 300 gr bukë e thatë e grirë e përzier me erëza
  • majdanoz
  • rigon
  • kopërr
  • borzilok
  • 50 gr djathë parmixhan
  • kripë
  • piper
  • vaj ulliri

Përgatitja

  • Presim pulën në copa, e lajmë dhe e thajmë me letër kuzhine. Rrahim vezën dhe i shtojmë pak kripë. Bukën e grire e përziejmë me erëza majdanoz, rigon, kopër, borzilok dhe djathë parmixhan. Mund të përdorim një mikser kuzhinë për të shpejtuar procesin.
  • Në një tigan hedhim vaj ulliri dhe e vëmë të nxehet. Kalojmë thelat e pulës në fillim në vezë e më pas në përzierjen me bukë, erëza e djathë i grirë.
  • I skuqim nga të dyja anët thelat e mishit të pulës. Pasi janë skuqur i vendosim në një pjatë me letër kuzhine që të thithi vajin e tepërt.
  • Më pas vendosim mishin në tavë. Shtojmë lëngun e gogozhareve e më pas pak piper.
  • Fusim tavën në furrë të të nxehte 200°C të piqet për gati gjysëm ore. Më pas nxjerrim tavën nga furra dhe i shtojmë sipër specat. Mbulojmë me letër
  • alumini tavën dhe e vendosim përsëri në furrë të piqet ngadalë në 200°C përreth 30-40 minuta.
  • Pasi është pjekur mishi e lemë të ftohet pak e më pas e servirim në pjatë pulën me speca gogozhare.

Ju bëftë mirë!

0 Shares
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Mish pule me portokalle

Kjo pjatë është një pjatë e lehtë dhe e shëndetshme. Mishi i bardhë i kraharorit të pulës është shumë i mirë nëse gatuhet në mënyrën e duhur. Ky mish është i këshillueshëm edhe për fëmijët e vegjël. Kjo recetë e shpejtë është e përshtatshme edhe për ta. Mjafton pak mish i bardhë dhe portokalle dhe në pak minuta do të keni një pjatë të shijshme.

Gjellë me qofte

Qoftet janë shumë të përdorura në kuzhinën shqiptare. Një version ndryshe nga recetat klasike është receta gjellë me qofte. Një pjatë e dytë shumë e shijshme dhe e thjeshtë për tu përgatitur.

Pulë me perime

Mishi i pulës mund të gatuhet në mënyra nga më të ndryshmet. Në këtë recetë ne e kemi sjellë të gatuar me perime të ndryshme. Kjo është një pjatë shumë e shijshme dhe jo shumë e vështirë në përgatitje.

Qofte të vogla

Qoftet janë një ushqim që pëlqehet nga të gjithë. Janë një pjatë e dytë e shijshme por fare mirë mund të shërbehen edhe mbasdite të shoqëruar me një aperitiv. Ka shumë mënyra për të gatuar qoftet. Në masën e përgatitur për qoftet mund të fusim edhe perime. Kjo është një mënyrë e mirë për të bërë fëmijët të hanë edhe ato ushqime që në të vërtetë nuk i kanë ngrënë asnjëherë. Në këtë recetë, ne kemi sjellë një variant të përgatitjes së qofteve.