Tavë me mish bibe dhe oriz në çerep

Nerti
  • 20/08/2021

Tave me mish bibe me oriz e pjekur në çerep ka një shije të veçantë për vetë faktin që piqet ngadalë nga prushi dhe merr një aromën të këndshme.

Duket pak e lodhshme kjo lloj pjekje, por rezultati final ia vlen mundimin e bërë. Si fillim duhet bërë një zjarr i madh me dru , vihet mbi të çerepi në mënyrë që të nxehet. Kur flakët e zjarrit të jenë ulur dhe në fund ka mbetur prushi, në këtë moment mund të filloni pjekjen. Edhe çerepi sipër mbushet me shpuzë.

Shija e gjellëve të gatuara me çerep është shumë e veçantë. Duhet patjetër ta provoni

Tavë me mish bibe dhe oriz në çerep, një nga recetat tradicionale shqiptare.

Tavë me mish bibe dhe oriz në çerep

Prep Time30 minutes
Cook Time1 hour
Total Time1 hour 30 minutes
Course: Main Course
Cuisine: Albanian
Keyword: kuzhina shqiptare
Sasia: 6 persona
Kalori: 320kcal

Video

Përbërësit

  • 3 kg mish bibe
  • 500 gr oriz
  • 1 kokërr qepë
  • 2 kokrra domate
  • 100 gr gjalpë
  • 50 ml vaj ulliri
  • 20 gr kripe
  • pak piper

Përgatitja

  • Si fillim marrim bibën dhe e presim në copa, e pastrojmë mirë, e lajmë dhe e vendosim në tavë. Sipër i hedhim copa gjalpi dhe sipër tavës vendosim çerepin ose saçin. E lemë përreth 20-25 minuta derisa të skuqet mishi.
  • Ndërkohë që skuqet mishi përgatisim salcën. Në një tigan hedhim vaj ulliri dhe grijmë hollë qepën. E vendosim tiganin mbi zjarr dhe e trazojmë shpesh herë. Kur qepa të ketë marrë ngjyrë të verdhë shtojmë domatet e grira.
  • Kur domatet të jenë shkrirë komplet shtojmë orizin, i trazojmë mirë. Shtojmë pak nga pak edhe ujë të ngrohtë ose lëng mishi, ( për 500 gr oriz duhen rreth 1l. ujë).
  • Hedhim kripë e piper dhe orizin e përgatitur e hedhim në tepsinë me mish. E vendosim përsëri tavën të piqet në saç, duke pasur kujdes që të ketë prush të mjaftueshëm edhe poshtë tepsisë.
  • E lemë tavën të piqet ngadalë përreth 40-45 minuta. (Këtë tavë mund ta piqni edhe në furrën e sobës, por s’do të ketë të njëjtën shije me pjekjen me prush.)
  • Pas kësaj nxirreni tavën dhe shërbejeni pjatën të ngrohtë të shoqëruar me një gotë verë të kuqe.

Lexoni gjithashtu recetën për Pule me oriz në tavë.

Ju bëftë mirë nga ArtiGatimit

In this article:
,,,,,,,,
0 Shares
WhatsApp 0
Facebook 0
Facebook Messenger 0
Twitter 0
Pinterest 0
Mail 0
Post written by:
E pasionuar pas kuzhines shqiptare dhe asaj te huaj, sjell për ju përmbledhje me receta gatimi.
Follow
1 comment
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Gjelle me mish viçi

Gjella me mish viçi është një pjatë që konsumohet shumë nga të gjithë shqiptarët. Kjo është një recetë e thjeshtë që mjafton të kemi përbërës cilësorë dhe do të dalë një pjatë me të vërtetë e shijshme.
18 Shares
0
0
18

Mish me surprizë

Kjo pjatë është një pjatë e dytë, por fare mirë mund të përgatitet dhe për një aperitiv. Ju ka qëlluar ndonjëherë që të keni gatuar shumë dhe ditën tjetër nuk dini se ç'të bëni me gjithë ushqimin e mbetur? Kjo është një nga ato receta që riciklon atë që na ka mbetur në frigorifer. Ne në këtë recetë kemi përdorur rolenë e pulës, por ju fare mirë mund të vini cdo lloj mishi që keni për momentin, mund të vini në vend të proshutës sallame të ndryshëm. është një recetë e shpejtë dhe e shijshme.
0 Shares
0
0
0

Role Pule

Pula e mbushur është një pjatë e dytë, e veçantë dhe e shijshme. Përgatitja e kësaj pjate mund të kërkojë pak kohë, por ia vlen me të vërtetë mundimi, pasi rezultati është me të vërtetë fantastik. Këtë recetë mund ta përgatisim për raste të veçanta ose për dreka e darka të rëndësishme.
0 Shares
0
0
0

Qofte me bizele

Receta e qofteve me bizele na vjen nga nje lexuese e rregullt e faqes tone, Silvana të cilën e falenderojmë shumë. Këto qofte janë te shpejta e të mira. Këtë pjatë mund ta shërbejmë edhe si pjatë të vetme.
0 Shares
0
0
0