Gatimet me mish pule janë të shumëllojshme. Pulë me oriz në tavë është një recetë e shijshme dhe ruan gjithë vlerat ushqimore. Përgatiteni kur të keni të ftuar, do të ngelen të kënaqur.
Pulë me oriz në tavë
Sasia: 5 persona
Kalori: 340kcal
Përbërësit
- 1 pulë
- 2 kokërr qepë
- 700 gr oriz
- 1.2 L ujë
- 1 speck e kuqe
- 1 speck jeshile
- 2 domate
- vaj ulliri
- kripë
- majdanoz
- spec
Përgatitja
- Pasi kem larë pulën e presim në thela dhe e kriposim. E spërkatim edhe pak me vaj ulliri ose me gjalpë, sipas dëshirës. Pulën e vendosim në një tavë të lyer me pak vaj ulliri.
- Më pas e futim në furrë të nxehur në temperaturën 220 gradë.
- Ndërkohë qepën e grirë hollë së bashku me specat i kaurdisim në një tigan me vaj ulliri.
- Sapo qepa të marri zverdhje, i hedhim domatet e grira në formë kubike ose tre-katër lugë salcë domate.
- Pasi e shikojmë që masa në tigan po mpikset, shtojmë ujin e nxehtë.
- Kur pula në furrë ka marrë një skuqje të lehtë, hedhim në të salcën me ujin.
- E rregullojmë me kripë, piper, majdanoz dhe sipër hedhim orizin.
- E futim në furrë dhe pasi e shikojmë që orizi në tavë ka filluar të ziejë, ulim temperaturën në 150 gradë C.
- Kur shikojmë që orizi e ka thithur të gjithë ujin, e fikim sobën dhe e lemë tavën në furrë për 15 minuta që orizi të bëhet i shkrifët.
- Pulë me oriz në tavë rekomandohet të serviret e ngrohtë.
Ju bëftë mirë nga Artigatimit.com
Ju rekomandojme:
Tave oriz e presh
Tave me mish bibe
Pule me speca
