Tavë me oriz dhe presh

Në vendin tonë janë të shumëllojshme gatimet me presh, sidomos në zonën e Myzeqesë kanë qenë ushqimi bazë për stinën e dimrit. Ne do japim një nga recetat që përdoret në këtë zonë, tave me oriz dhe presh.

Preshi e ka prejardhjen kryesisht nga Azia. Por prej shumë kohësh është kultivuar edhe në vendin tonë, sidomos ne zonën e Myzeqesë.
Preshi i freskët përmban proteina, lëndë të thatë, yndyra, karbohidrate, kripëra minerale.

Lëndët kryesore minerale të preshit janë: kalçium, kalium, natrium, magnez, hekur, fosfor, squfur i cili i jep aromën dhe shijen karakteristike gatimeve me presh.

Gatimet me presh duhet të përdoren nga të gjitha moshat, pasi ndikon shumë në mjekimin e disa sëmundjeve të sistemit nervor qendror.Ndihmon në kurimin e arteroisklerozës dhe në gjithë moshën e tretë, në dobësi dhe në lodhje fizike e psikie, në intrlektualët me jetë sedentare.

Receta për tavë ne oriz dhe presh, që është e shijshme, e shpejtë dhe ka një kosto të ulët.

Tavë me oriz dhe presh

Prep Time15 mins
Cook Time25 mins
Total Time40 mins
Course: First plate
Cuisine: Albanian
Keyword: healthy
Sasia: 4 persona
Kalori: 230kcal

Përbërësit

  • 1 kg presh
  • 100 gr oriz
  • 200 ml ujë
  • vaj ulliri
  • 50 gr salcë domate
  • piper i kuq
  • mëndrëz
  • kripë

Përgatitja

  • I lajmë mirë preshat me ujë të rrjedhshëm. Duhet t’i kontrollojmë mirë nga fundi sepse mund të mbajnë papastërti.
  • Preshat e lara presim me thikë në formë cilindri rreth 2 cm gjatësi.
  • Pasi i kemi përfunduar së preri i vendosim në një tavë të lyer me vaj ulliri. Sipër hedhim vajin dhe kripën.
  • I vendosim në furrë të nxehur më parë për gati 10 minuta. Tava ne oriz dhe presh mund të piqet edhe në çerep.
  • Ndërkohë sa të bëhen preshat, hedhim masën e ujit në një tenxhere duke e lënë në zjarr deri sa të vlojë.
  • Hedhim salcën dhe erëzat në ujin e vluar. Nxjerrim tavën nga furra, hedhim masën e orizit me dorë duke e hapur në gjithë sipërfaqen e tavës. Sipër hedhim ujin e vluar. E futim në furrën e nxehur në temperaturën 200 gradë C.
  • E lemë në furrë deri sa orizi të thithi të gjithë ujin. Pasi e shikojmë që orizi e ka thithur ujin, e fikim furrën dhe e lemë edhe 15 minuta të tjera.
  • Kjo recetë për tavë me oriz dhe presh shërbehet e ngrohtë.

Ju bëftë mirë nga Artigatimit!

251 Shares
Lini një Përgjigje

Adresa juaj email s’do të bëhet publike.

Recipe Rating




You May Also Like

Bollgur me perime

Bollgur me perime është një recetë e thjeshtë dhe e shpejtë kur nuk kemi kohë për të gatuar. Zgjedhja e perimeve mund të jetë sipas dëshirës, mjaftojnë të jenë të freskëta dhe bio.

Pulë me oriz në tavë

Gatimet me mish pule janë të shumëllojshme. Pulë me oriz në tavë është një recetë e shijshme dhe ruan gjithë vlerat ushqimore. Përgatiteni kur të keni të ftuar, do të ngelen të kënaqur.

Kunguj të rrumbullakët të mbushur me oriz dhe gorgonzola

Kungujt kanë vitaminë A dhe C dhe kanë pak kalori, rreth 95% e tyre është ujë. Ekzistojnë disa lloje kungujsh. Për këtë recetë kemi zgjedhur kungujt e rrumbullakët pasi janë më të përshtatshëm për mbushje. Mund ti mbushim në mënyra të ndryshme. Ne po japim një variant me oriz dhe djathë gorgonzola. Ky lloj djathi është tipik i Italisë (zona e Lombardisë dhe Piemonte). Gorgonzola është një djath i butë, kremoz që prodhohet me qumësht lope. Ka një shije të veçantë dhe të fortë. Në këtë recetë ky djath bashkohet me orizin që i jep një shije të veçantë.