Rizoto me kungull të verdhë

Rizoto me kungull të verdhë është një pjatë e parë delikatë dhe e veçante. Përgatitur me oriz Olim cilësorë kthehet në një pjatë shumë e shijshme.

Rizoto me kungull të verdhë

Prep Time20 mins
Cook Time30 mins
Total Time50 mins
Course: Main Course
Cuisine: Mediterranean
Keyword: oriz
Sasia: 4 persona
Kalori: 120kcal

Përbërësit

  • 350 gr oriz Olim
  • 500 gr kungull i verdhë
  • 2 kokrra qepë
  • 1,5 L lëng perimesh
  • 100 gr djathë parmigiano Reggiano
  • 50 ml verë e bardhë
  • 50 gr gjalpë
  • vaj ulliri
  • piper i zi
  • kripë

Përgatitja

  • Për të përgatitur një pjatë të parë rizoto me kungull të verdhë, me oriz cilësorë Olim, si fillim duhet të përgatisim lëngun e perimeve. Ju këshillojmë mos të përdorni produkte të gatshme, në rast të kundër mjafton dhe vetëm ujë.
  • Në një enë të bollshme hidhni perime të ndryshme dhe i lini në zjarre për të paktën 1 orë. Filtroni ujin dhe mbajeni në zjarre.
  • Fillojmë përgatitjen duke prere hollë qepën dhe ne një tigan për rizoto hedhim vaj ulliri dhe shtojmë qepën duke mbajtur zjarrin të ulët.
  • Presim kungullin e verdhë në kubik të vegjël pasi e kemi qëruar dhe hequr farat. Në një tiganin me qepë bashkojmë copat e kungullit. I kaurdisim bashkë dhe me pas shtojmë pak lëng perime. I lëmë në zjarre për rreth 20 minuta.
  • Në një enë tjetër pa shtuar yndyrë hedhim orizin cilësor Olim dhe e lemë në zjarr për te paktën 5-7 minuta. Më pas hedhim verën e bardhë dhe e lëmë derisa të avullojë alkooli. Shtojmë orizin tek tigani me kungull.
  • Vazhdojmë hedhim herë pas here lëng perimesh ne rizoto me kungull të verdhë dhe e trazojmë shpesh. Vazhdojmë kështu derisa orizi është pothuajse i bërë. Shtojmë në të kripe dhe pak piper. Fikim zjarrin dhe më pas hedhim gjalpin duke e trazuar shpejt.
  • Në rizoto shtojmë edhe djathin e grirë. E trazojmë mirë të gjithë masën.
  • Rizoto me kungull të verdhë është gati. Për këtë recetë kemi përdorur orizin Olim, i cili është ideal për rizoto. Shërbejmë rizoton e përgatitur nëpër pjata dhe sipas dëshirës mund të shtojmë akoma djathë të grirë.

Ju bëftë mirë!

Receta të tjera për të përgatitur rizoto: rizoto me spinaq, rizoto me shafran ose lexo rizoto me luleshtrydhe.

144 Shares
Lini një Përgjigje

Adresa juaj email s’do të bëhet publike.

Recipe Rating




You May Also Like

Oriz me kërpudha

Orizi me kërpudha është një pjatë shumë e mirë dhe e përshtatshme për të gjithë, sidomos për ata persona që kanë probleme të intolerancës ushqimore siç janë personat çeliak të cilët alergjia kryesore u vjen nga mielli i grurit. Kjo pjatë është e shpejtë, e thjeshtë e me një rezultat vërtet të kënaqshëm

Pulë me oriz në tavë

Gatimet me mish pule janë të shumëllojshme. Pulë me oriz në tavë është një recetë e shijshme dhe ruan gjithë vlerat ushqimore. Përgatiteni kur të keni të ftuar, do të ngelen të kënaqur.

Rizoto me luleshtrydhe

Rizoto me luleshtrydhe është një pjatë e rafinuar. Kjo recetë është shumë e thjeshtë por që ka një shije shumë delikate. Këtë pjatë mund ta përgatisni dhe për një darkë romantike dhe do të ketë shumë efekt te personi që e shijon.

Supë Gruri

Supa e grurit është një pjatë e shijshme që mund ta shijojmë gjatë stinës së ftohtë. Gruri është i pasur me shumë vlera ushqyese si vitamina, kripëra minerale e fibre. Kjo është një pjatë e shëndetshme dhe e shijshme