Rizoto me shafran është një pjatë tipike e qytetit të Milano, Itali. Shafrani është një erëz e njohur që në antikitet. Përveçse ngjyrës ai lëshon edhe një aromë karakteristike që bashkuar me orizin cilësor Olim, bëjnë këtë pjatë të parë shumë të shijshme.
Rizoto me Shafran
Sasia: 2 persona
Kalori: 180kcal
Përbërësit
- 320 gr oriz Olim
- 1 L lëng perime
- 1 lugë e vogël shafran pluhur
- 100 gr gjalpë
- 50 gr djathë grana
- 1 qepë e vogël
- 40 gr verë e bardhë
- kripë
Përgatitja
- Për të përgatitur rizoto me shafran, si fillim duhet të tresim shafranin në një gotë më ujë disa orë më para. Në këtë mënyrë do të përftoni një ngjyrë akoma më të theksuar.
- Qërojmë dhe grijmë qepën shumë hollë. E hedhim në një tigan ku kemi shtuar gjysmën e gjalpit. Pasi të jetë zbutur qepa, hedhim orizin Olim dhe e skuqim për 3-4 minuta.
- Më pas hedhim verën e bardhë dhe e lëmë të avulloj alkooli. Zjarri duhet të jetë sa më i ulët. Vazhdojmë të hedhim lëng perimesh here pas here duke e trazuar orizin.
- 5 minuta para se të jetë gati, shtojmë shafranin e tretur në ujë dhe e trazojmë rizoton.
- Më pas fikim zjarrin dhe shtojmë pjesën tjetër të gjalpit së bashku me djathin e grirë. E trazojmë mirë rizoto me shafran dhe e mbulojmë për pak çaste.
- Rizoto me shafran i përgatitur me Oriz Olim është gati. E hedhim në pjata dhe sipas dëshirës mund të shtojmë dhe pak djathë të grirë sipër.
Lexoni edhe recetat për rizoto me luleshtrydhe, oriz me perime ose pilaf turk.
Ju bëftë mirë!
Artikull i Sponsorizuar
