Në këtë recetë po ju paraqesim një mënyrë të veçantë për ata që pëlqejnë shijet e forta. Rizoto i gatuar me dardha dhe djathë italian gorgonzola është një pjatë e shijshme dhe e veçantë.
Rizoto me gorgonzola dhe dardha
Përbërësit
- 250 gr oriz
- 450 ml lëng perimesh ose ujë
- 2 dardha
- 80 gr gorgonzola
- 60 gr gjalpë
- 1 lugë gjelle vaj ulliri
- 1 qepë e bardhë
- 100 ml verë e bardhë
- 2-3 arra
- pak kripë
Përgatitja
- Fillojmë duke prerë qepën imët dhe e hedhim në një tenxhere ta skuqim me gjysmën e gjalpit dhe vajin e ullirit. Pasi qepa është zbutur hedhim dhe orizin dhe e kaverdisim bashkë me qepën për 1 minutë duke e trazuar vazhdimisht.
- E shuajmë me verë të bardhë. Sapo alkooli të ketë avulluar, shtojmë brodon ose ujin dhe kur të filloj vlimi duhet ta ulim zjarrin.
- Ndërkohë që orizi zien, fillojmë të përgatisim dardhat. Pasi ti kemi larë, një dardhë e qërojmë, e presim në katër copa dhe e grijmë në mikser dhe e lemë mënjanë. Dardhën tjetër e presim në thela dhe me pas në copa të vogla në formë kubi. Shtojmë dhe pak kripë.
- Marrim djathin gorgonzola dhe e presim në copa të vogla dhe e lëmë për ta hedhur në fund të procesit.
- Ndërkohë që orizi është në gjysmën e vlimit, hedhim sipër dardhat që premë ne kube të vegjël dhe e lëmë akoma na zjarr. Kur ujë të filloi të shterojë shtojmë dardhën që grimë në mikser dhe e trazojmë. E lëmë dhe 2-3 minuta në zjarr me kapak.
- E fikim zjarrin dhe më pas hedhim gjalpin e ngelur së bashku me djathin gorgonzola. E trazojmë mirë orizin derisa gorgonzola të përhapet dhe gjalpi te shkrijë.
- Hedhim orizin në pjatë për ta shërbyer dhe sipër i shtojmë 2-3 thelpinj arra. Servirim rizoton të ngrohtë.
Notes
Përgatitja
Ju bëftë mirë nga ArtiGatimit.com!
