Receta me Mish
Shkruaj një koment

Filetë viçi në skarë

Përgatitja: 15 min - Pjekja: 5 min - Sasia: 4

Fileto e viçit e pjekur në skarë është një pjatë e dytë, e thjeshtë në përgatitje por që pëlqehet nga të gjithë. Mishi i viçit duhet të jetë cilësor që fileto të jetë e butë.
Në këtë recetë ne kemi shoqëruar fileton me patëllxhanë të pjekur në skarë, por fare mirë ju mund të përgatisni edhe një sallatë mikse ose patate të furrës.


Përbërësit për Filetë viçi në skarë

    Përbërësit për 4 persona

  • 4 fileto viçi

  • 2 patëllxhanë

  • pak kripë

  • pak piper

  • 3-4 lugë gjelle vaj ulliri

  • 1 limon (fakoltativ)


Përgatitja

Si fillim duhet te nxjerrim nga frigoriferi mishin dhe ta lëmë në temperaturën e kuzhinës për të paktën 1 orë. Më pas nxehim fort një skarë (do të ishte më i shijshëm nëse do të ishte me dru). Vendosim mbi të filetot e mishit. Duhet të kemi kujdes që të mos ti shpojmë asnjëherë me pirun o thikë. I pjekim 4-5 minuta nga një anë e më pas i kthejmë nga ana tjetër ( nëse e dëshironi shumë të pjekur, mund ta lini akoma, por kujdes mos thahet shumë).

mish-skare-vici-perime-receta-gatimi-food-photos-free

Pasi janë pjekur vendosim filetot në pjata dhe i lemë të qetësohet pak. Pasi i kemi pastruar, presim patëllxhanët në feta dhe i pjekim në skarë. Vendosim fetat e patëllxhanit anash filetos së mishit, u hedhim sipër të dyjave kripë, piper e vaj ulliri.
Nëse dëshironi në momentin e ngrënies mund ti hidhni pak limon të shtrydhur sipër mishit ose erëza te ndryshme, ( në këtë mënyrë ka akoma më shumë hekur mishi).
Shërbejmë pjatën të ngrohtë dhe e shoqërojmë me një gotë vere të kuqe, mundësisht të një cilësie të lartë.

Ju bëftë mirë nga ArtiGatimit!

mish-skare-vici-perime-receta-gatimi-good-food

Shkruani komentin tuaj - Komente