Rosë me oriz në tavë – Receta të vjetra shqiptare

Rosë me oriz në tavë është një traditë e vjetër shqiptare sidomos në zonat e ulëta të vendit ku rriteshin rosat. Mishi i rosës preferohet të gatuhet me lëng në furrë por edhe ky version i recetës është shumë i shijshëm, sidomos kur janë rosa fshati. Një tjetër recetë që ju këshillojmë është tave me mish bibe dhe oriz në çerep.

Rosë me oriz në tavë është një gatim tradicional shtëpie ku do të përdorim të gjitha pjesët e mishit, pasi zakonisht preferohen vetëm kofshët dhe mishi i gjoksit.

Rosë me oriz në tavë

Prep Time30 minutes
Cook Time45 minutes
Total Time1 hour 15 minutes
Course: Main Course
Cuisine: Albanian
Keyword: kuzhina shqiptare, mish
Sasia: 6 persona
Kalori: 310kcal

Përbërësit

  • 1 rosë fshati
  • 3 kokrra qepë
  • 2 kokrra domate
  • 1 lugë gjelle salcë domate
  • 300 gr oriz
  • 600 ml ujë
  • vaj ulliri
  • pak gjalpë
  • pak piper i zi
  • kripë
  • majdanoz

Përgatitja

  • Lajmë rosën, e presim në thela të cilat i vendosim në tavën e lyer me vaj. Sipër thelat i spërkatim me pak kripë dhe gjalpë.
  • Tavën me pjesët e prera të rosës e futim në furrë të nxehur në 220 °C derisa thelat e mishit të marrin një ngjyrë të artë.
  • Ndërkohë presim qepën hollë julienne dhe e kaurdisim në tigan me vaj ulliri. Më pas shtojmë domatet dhe salcën duke i kaurdisur për 4-5 minuta.
  • Në tigan shtojmë masën e ujit derisa të vlojë, gjithashtu kripë dhe piper. Heqim tavën nga furra dhe hedhim lëngun e vluar, orizin duke e hapur në të gjithë tavën.
  • Tavën me oriz e futim përsëri në furrë. Kur tava të fillojë të marri valë ja ulim pak temperaturën ne 180°C.
  • Dhe kur orizi ta ketë thithur të gjithë ujin fikim sobën dhe tavën e lemë në furrë të fikur për 15-20 minuta.
  • Rosë me oriz në tavë është gati, kur shërbehet në pjata sipër shtojmë pak majdanoz të grirë hollë.

Receta të tjera që mund tju pëlqejnë janë pispili me lakra – gatime korçare ose tavë me oriz dhe presh.

Ju bëftë mirë nga Artigatimit.com

3 Shares
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Mish pule me kos

Pula me kos është një nga ato recetat që ju këshillojmë ta provoni një herë e që patjetër do ta gatuani gjithmonë. Mishi i pulës i gatuar me kos është një alternativë e recetava të shumta që ekzistojnë për të gatuar këtë lloj mishi. Në këtë recetë ne kemi shtuar disa erëza por nëse nuk ju pëlqejnë mund të mos i shtoni. Hidhini kosit erëzat që preferoni më shumë.

Super Qofte e mbushur

Kjo është një pjatë për gjithë familjen. E kush nuk i pëlqen qoftet!Në këtë recetë ne japim një mënyrë të veçantë për ti përgatitur ato: një qofte rolè e mbushur brenda me djathë e proshutë. Një recetë e shpejtë dhe sidomos e shijshme.

Gjelle me presh dhe mish

Le të shfrytëzojmë deri ne fund atë qe na jep toka me recetën e radhës, gjelle me presh dhe sigurisht ndonjë copë mishi. Recetë shumë e thjeshtë për tu ndjekur dhe për të mos humbur traditën e "gjellëtoreve"!