Si të gatuajmë Tasqebap

Tasqebapi ka qenë pjata kryesore e tryezave të dasmave para viteve ’90 sidomos në krahinën e Myzeqesë. Për të gatuar tasqebap preferohet pjesa e shpatullës, qafës ose e barkut.

Tasqebap është një pjatë e shijshme që përgatitet vetëm me tul mishi. Për përgatitjen e kësaj pjate duhet mish viçi ose mish dashi.

Tasqebap

Prep Time30 minutes
Cook Time1 hour 30 minutes
Total Time2 hours
Course: Main Course
Cuisine: Albanian
Keyword: gjelle
Sasia: 6 persona
Kalori: 360kcal

Përbërësit

  • 500 gr tul mishi mish viçi ose dashi
  • 500 gr qepë
  • 500 ml ujë
  • 20 ml vaj ulliri
  • 1 lugë gjellë miell
  • 100 ml verë e kuqe
  • 100 ml salcë domate
  • 4 thelpinj hudhër
  • 15 gr kripë
  • 10 gr piper
  • 1 spec i kuq
  • 2 gjethe dafine

Përgatitja

  • Sigurohemi që mishi për tasqebap, të jete i freskët dhe pjesë tule. Preferohet pjesa e shpatullës, qafës ose e barkut, pasi është mish i përshtatshëm për gatime të gjata.
  • Fillojmë përgatitjen e tasqebap duke prerë mishin në formë kubike të vogla, pastaj presim edhe qepët imët.
  • Hedhim qepët në një tenxhere me vaj ulliri. I kaurdisim disa çaste dhe më pas shotomë mishin. I lëmë së bashku deri sa të shikojmë që lagështira është avulluar. E shuajmë me verë të kuqe. Hedhim një gotë vere të kuqe dhe e lëmë derisa të avullojë alkooli.
  • Në një tiganë me vaj, kaurdisim një lugë miell të cilin e shuajmë me ujë të ftohtë duke e trazuar shpejtë që të mos na bëhet kokërr, tip roux. Pasi merr valë në tiganë, e hedhim në tenxheren me mish.
  • Në hapin tjetër hedhim salcën e domates. Hedhim dafinën, kripën, hudhrat, piperin, spec sipas dëshirës.
  • E mbyllim tenxheren me tasqebap dhe e ziejmë në zjarr të ngadalshëm deri sa gjella te jetë gati.
  • Tasqebapi është mirë që të shoqërohet me bukë të thekur dhe me një gotë verë të kuqe.

Receta gatimi per gjelle me qepe, gjelle me mish viçi, mish me qepë.

Ju bëftë mirë nga Artigatimit.com.

2 Shares
1 comment
  1. 5 stars
    Dea je më e mira nga të gjitha ???Vazhdo shkruaj vetë recetat, për inat te botes. Tasqebapin e ke bere siç e bej unë. E kemi qarë. ?Suksese amore.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Mish lepuri me hudhra

Mishi i lepurit është shumë i shijshëm nëse gatuhet në mënyrë të saktë. Kjo recetë është shumë e thjeshtë, e mund ta përgatisin edhe ata që janë në hapat e para në kuzhinë. Kemi përgatitur mishin e lepurit me hudhra në tenxhere presioni.

Gjel deti i pjekur

Gjeli i detit është një karakteristikë e darkës së funvitit në Shqipëri. Nuk mund ta mendojmë tryezën pa patur në mes të saj mishin e pjekur të gjelit të detit. Ne e kemi pjekur shumë thjesht, veç me kripë e gjalpë, pa shtuar erëza të tjera, por nëse dëshironi mund ti shtoni piper ose ta mbushni me arra.

Shishqebap me mish derri e perime

Shishqebapi përgatitet në mënyra të ndryshme. Mund ta përgatisim me mish derri, qengji, pule epo viçi të njomë. Ne, në këtë recetë i kemi përgatitur edhe me perime e salsiçe të freskëta. Shishqebapi përgatitet në çast, në momentin që do ta shërbejmë, pasi i ftohtë nuk ka shumë shije. Mishi i përgatitur shkohet në shufra druri ose metalike ose në degë dafine apo rozmarine, ( këto të fundit i japin akoma më shumë shije) dhe piqet në skarë apo mbi prush.