Mishi i pulës i gatuar me qumështin e arrës së kokosit dhe i përzier me curry ( këtë erëz me origjinë indiane) është një pjatë shumë e shijshme che e veçantë. Mund ta shërbejmë edhe si pjatë të vetme nëse e shoqërojmë me pak oriz basmati të zier.

Përbërësit për Pulë me curry e qumësht arrë kokosi – Receta indiane

• 500 gr mish pule pa kockë ( mundësit pjesa e gjoksit të pulës)


• 2 lugë curry pluhur


• 200 ml qumësht arre kokosi


• 1 lugë miell


• 1 qepë


• pak vaj ulliri


• pak kripë


• lëng limoni (1/2 limon)


• disa erëza të ndryshme

Përgatitja e Pulës me curry

Si fillim presim mishin e pulës në copa të vogla dhe i lyejmë me miell.
Në një tigan ose wok ( tigan me fund të shtrirë e në formë koni, shumë i përdorur në kuzhinën orientale), hedhim vajin dhe qepën dhe e lemë të zbutet për disa minuta.

Kur qepa të jetë skuqur, shtojmë mishin e pulës dhe i kavërdisim së bashku derisa mishi të marrë ngjyrë të artë. Shtojmë lëngun e limonit për ta karamelizuar.

Në një enë qelqi përziejmë curry me qumështin e arrës së kokosit dhe e shtojmë në tigan. Lemë mishin të piqet ngadalë me zjarr të ulët derisa të krijohet një krem me salcën e përgatitur.
E shërbejmë pulën e përgatitur të ngrohtë të shoqëruar me pak oriz.

Ju bëftë mirë!

Ju rekomandojmë të lexoni dhe role pule.